Biografia en occitan

Renada-Laura Portet es una poetessa e narratritz catalana sortida de Sant Pau de Fenolhet. Lingüista especializada en onomastica catalana, publiquèt, entr’autre, Els noms de lloc del Rosselló (prèmi de la Vila de Perpinhan 1981) e Toponímia rossellonesa (1983).

Per delai son trabalh de professora e cercaira, dins lo camp de la literatura, i a pauc de domenis qu’explora pas. Aital, publiquèt tres recuèlhs poetics : Jocs de convit (1990), Una ombra anomenada oblit (1992) e El cant de la Sibil•la (1994), autorevirat al francés e publicat dos ans mai tard. Dins lo meteis temps escriguèt un grand nombre de libres en pròsa, coma Castell negre (prèmi Víctor Català, 1981), L’escletxa (finalista del prèmi Sant Jordi, 1983), Rigau & Rigaud (finalista del Josep Pla de l’an 2002) o lo recuèlh Una dona t’escriu (prèmi Ramon Juncosa 2004) e Duoda, comtessa de Barcelona (2008).

Es presenta dins d’antologias de Estats Units, Itàlia, França, Catalunha e Alemanha coma Moderne Katalanische Erzahlungen (1988). Robert Guisset consacra a l’autora un film, retrach literari titolat Renada’s Song (1991). Sòcia d’onor de l’associacion dels escrivans en lenga catalana, recebèt en mai de nombroses prèmis literaris, d’importantas distinccions onorificas coma Les palmes Académiques amb lo grade d’oficièr (1988) e la Crotz de Sant Jordi de la Generalitat de Catalunha (2004).

Resoguldament engatjada dins l’ensenhament de la lenga catalana en Catalonha Nòrd ven directritz del colègi Conte Guifre. Retirada, perseguís son activitat literària e academica (collòquis, publicacions, seminaris, conferéncias…) e assistís regularament a la comission nacionala de toponimia (CNRS en París). En 2015 ven sòci del Projecte versions Múltiples, e dos ans mai tard a l’escasença de son 90° aniversari lo Projècte revirèt son poèma emblematic « La por. El dubte. L’atzar » en 21 lengas. Las reviradas foguèron publicadas puèi per l’Institut de las letras catalanas dins un libret que foguèt presentat a l’escasença d’un omenatge oficial ont Assumpció Cantalozella e Elija Lutze intervenguèron al nom dels reviraires del Projecte. L’annada 2018, la revista literaria L’Aiguadolç publiquèt l’omenatge dins son integralitat amb un prològ de Kathleen McNerney e de Sílvia Aymerich-Lemos, dins lo dorsièr dedicat al Projècte Versions Múltiples presentat per Elija Lutze.

Sa darrièra aparicion publica foguèt a l’estiu de 2021, pendent la visita en Elne del president Puigdemont que li faguèt una abraçada calorosa. Se pòt veire la video en picar sul ligam :

+ LIGAMS

• PAgina de L’Associacion dels Autors en OCCITANIA Pyrénées-Méditerranée. Aquí

• Pagina Vikipèdia en catalan aquí.

• Pagina dels escrivans en lenga catalana aquí.