Biografia en occitan

Gerard Joan Barceló, nascut en 1973, es occitan e viu a Pèiralata (Pierrelatte), entre Daufinat e Provença. Filològ de lengas classicas, professor agregat de gramatica, deu sa formacion intellectuala a l’École Normale Supérieure de París.

Director de la revista academica Lingüistica Occitana, es un collaborator regular del jornal en linha occitan Jornalet, ont a començat una reflexion sus la traduccion entre occitan e catalan, e es l’autor de qualques traduccions de las lengas grèga classica e latina, e mai de l’italian, vèrs la lenga occitana.

En 2015, revirèt en francés lo roman Òc -publicat en espanhòl e occitan aranés- de Griselda Lozano.