लवथवती विक्राळा ब्रह्मांडी माळा | 

विषे  कंठ  काळा  त्रिनेत्री  ज्वाळा ||

लावण्यसुंदर  मस्तकी  बाळा | 

तेथुनिया जल निर्मल वाहे झुळझुळा || १ ||

जय देव जय देव जय श्रीशंकरा | 

आरती ओवाळू तुज कर्पुरगौरा || 

जय देव जय देव ||

कर्पुरगौरा भोळा नयनी विशाळा | 

अर्धांगी पार्वती सुमनच्या माळा ||

विभुतीचें उधळण शितिकंठ नीळा । 

ऐसा शंकर शोभे उमावेल्हाळा || २ ||

जय देव जय देव जय श्रीशंकरा | 

आरती ओवाळू तुज कर्पुरगौरा || 

जय देव जय देव ||

देवी दैत्य सागरमंथन पै केले | 

त्यामाजी जें अवचित हळाहळ उठिलें || 

ते त्वा असुरपणे प्रश्न केले | 

नीलकंठ नाम प्रसिद्ध झाले || ३ ||

जय देव जय देव जय श्रीशंकरा | 

आरती ओवाळू तुज कर्पुरगौरा ||

 जय देव जय देव ||

व्याघ्रांबर फणीवरधर सुंदर मदनारी | 

पंचानन मनमोहन मुनिजन सुखकारी |

शतकोटीचे बीज वाचे उच्चारी | 

रघुकुलतिलक रामादासा अंतरी || ४ ||