गुरु हा संतकुलीचा राजा ।

 गुरु हा प्राणविसांवा माझा । 

गुरुवीण देव नाही दुजा । 

पाहतां नाहीं त्रिलोकी॥१॥

गुरु हा सुखाचा सागरु । 

गुरु हा प्रेमाचा आगरु । 

गुरु हा धैर्याचा डोंगरू । 

कदाकाळीं डळमळीना ॥२॥

गुरुवैराग्याचें मूळ । 

गुरु हा परब्रम केवळ । 

गुरु हा सोडवी तात्काळ । 

गांठ लिंगदेहाची ॥३॥

गुरु हा साधकाशी साय । 

गुरु हा भक्तालागीं माय । 

गुरु हा कामधेनु गाय । 

भक्तांपरीं दुभतसे ॥४॥

गुरुघाली ज्ञानांजन । 

गुरु दाखवी निजधन । 

गुरु सौभाग्य देऊन । 

साधुबोध नांदवी ॥५॥

गुरु मुक्तीचें मंडन । 

गुरु दुष्टाचें दंडन । 

गुरु पापाचें खंडन । 

नानापरी वारितसे ॥६॥

काया काशी गुरु उपदेशी । 

तारक मंत्र दिला आम्हाशीं । 

बापरखुमादेविवराशी । 

ध्यान मानसीं लागलें ||७||