श्री रामरक्षा स्तोत्रं
Embedded Files
श्रीगणेशायनमः ।
अस्य श्रीरामरक्षास्तोत्रमन्त्रस्य ।
बुधकौशिक ऋषिः ।
Asya Shri Ramraksha Stotrasya
Budha Kaushika Rishiḥi
श्रीसीतारामचंद्रो देवता।
अनुष्टुप् छन्दः। सीता शक्तिः ।
Shri Sita Ramachandro Devata
Anushtup Chhanda Sita Shaktih
श्रीमद् हनुमान् कीलकम् ।
श्रीरामचन्द्रप्रीत्यर्थे जपे विनियोगः ।
Shri Hanuman Keelakam
Shri Ramachandra Preetyarthe
Ramraksha Stotra Jape Viniyogah
॥ अथ ध्यानम् ॥
ध्यायेदाजानुबाहुं धृतशरधनुषं
बद्धपद्मासनस्थं ।
Dhyaayedaajanu baahum dhritasharadhanusham
baddhapadmaasanastham
पीतंवासोवसानं नवकमलदल
स्पर्धिनेत्रं प्रसन्नम् ॥
Peetam vaaso vasanam navakamaladala
spardhinetram prasannam
वामाङ्कारूढ-सीता
मुखकमल- मिलल्लोचनं नीरदाभं ।
Vaamaankaaroodha Sitaam
mukhakamalamilallochanam neeradaabham
नानालङ्कारदीप्तं दधतमुरुजटा
मण्डनं रामचंद्रम् ॥
Naanaalankaara deeptam dadhatamurujataa
mandalam Ramachandram
॥ इति ध्यानम् ॥
चरितं रघुनाथस्य
शतकोटिप्रविस्तरम् ।
एकैकमक्षरं पुंसां
महापातकनाशनम् ॥ १ ॥
Charitam Raghunathasya
shatakoti pravistaram
Ekaikam aksharam pumsam
maha paataka naashanam
ध्यात्वा नीलोत्पलश्यामं
रामं राजीवलोचनम् ।
जानकीलक्ष्मणोपेतं
जटामुकुटमण्डितम् ॥२॥
Dhyatva neelotpala shyaamam
Ramam rajeeva lochanam
Janaki Lakshmanopetam
jataamukuta manditam
सासितूणधनुर्बाण
पाणिं नक्तं चरान्तकम् ।
स्वलीलया जगत्त्रातु-
माविर्भूत मजंविभुम् ॥३॥
Saasitoona dhanur baana
paanim naktam charantakam
Swaleelaya jagat traatum
maavirbhutam ajam vibhum
रामरक्षां पठेत्प्राज्ञः
पापघ्नीं सर्वकामदाम् ।
शिरो मे राघवः पातु
भालं दशरथात्मजः ॥४॥
Rama Rakshaam pathet praajnah
paapaghneem sarva kaamadaam
Shiro me Raghavah paatu
bhalam Dasharathaatmajah
कौसल्येयो दृशौ पातु
विश्वामित्रप्रियः श्रुती ।
घ्राणं पातु मखत्राता
मुखं सौमित्रिवत्सलः॥५॥
Kausalyeyo drishau paatu
Vishwamitra priyah shruti
GhraaNam paatu makhatrata
mukham Saumitri vatsalah
जिव्हां विद्यानिधिः पातु
कण्ठं भरतवंदितः ।
स्कन्धौ दिव्यायुधः पातु
भुजौ भग्नेशकार्मुकः ॥ ६ ॥
Jivhaam vidyanidhih paatu
kantham Bharata vanditah
Skandhau divyayudhah paatu
bhujau bhagnesha karmukah
करौ सीतापतिः पातु
हृदयं जामदग्न्यजित् ।
मध्यं पातु खरध्वंसी
नाभिं जाम्बवदाश्रयः ॥७॥
Karau Sitaapatih paatu
hridayam Jamadagnyajit
Madhyam paatu Khara dhvansi
naabhim Jaambavad aashrayah
सुग्रीवेशः कटी पातु
सक्थिनी हनुमत्प्रभुः ।
ऊरू रघूत्तमः पातु
रक्षःकुलविनाशकृत् ॥८॥
Sugriveshah kati paatu
sakthini Hanumat prabhuh
Uru Raghuuttamah paatu
rakshah kula vinaashakrit
जानुनी सेतुकृत्पातु
जङ्घे दशमुखान्तकः ।
पादौ बिभीषणश्रीदः
पातु रामोऽखिलं वपुः ॥९॥
Jaanuni setukrutpaatu
janghe Dashamukhantakah
Paadau Vibheeshana shreedah
paatu Ramo'khilam vapuh
एतां रामबलोपेतां
रक्षांयः सुकृती पठेत्।
स चिरायुः सुखी पुत्री
विजयी विनयी भवेत्॥१०॥
Etaam Ramabala upetaam
rakshaam yah sukriti pathet
Sa chiraayuh sukhi putri
vijayi vinayi bhavet
पाताल-भूतल-व्योम-
चारिणश्छद्मचारिणः।
न द्रष्टुमपि शक्तास्ते
रक्षितं रामनामभिः ॥११॥
Pataala bhootala vyoma
charinashchhadmacharinah
Na drashtumapi shaktaaste
rakshitam Rama naamabhih
रामेति रामभद्रेति
रामचन्द्रेति वा स्मरन्।
नरो न लिप्यते पापै
भुक्तिं मुक्तिं च विन्दति ॥१२॥
Rameti Ramabhadreti
Ramachandreti vaa smaran
Naro na lipyate paapaih
bhuktim muktim cha vindati
जगज्जेत्रैकमन्त्रेण
रामनाम्नाऽभिरक्षितम्।
यः कण्ठे धारयेत्तस्य
करस्थाः सर्वसिद्धयः ॥१३॥
Jagajjetraika mantreNa
Rama naamna abhirakshitam
Yah kanthe dhaarayet tasya
karasthaah sarva siddhayah
वज्रपञ्जरनामेदं
यो रामकवचं स्मरेत्।
अव्याहताज्ञः सर्वत्र
लभते जयमङ्गलम् ॥१४॥
Vajrapanjara naamedam
yo Rama kavacham smaret
Avyahatagnya sarvatra
labhate jayam angalam
आदिष्टवान् यथा स्वप्ने
रामरक्षामिमां हरः।
तथा लिखितवान् प्रातः
प्रबुद्धो बुधकौशिकः ॥१५॥
Adishtavaan yathaa swapne
Ramarakshaam imaam Harah
Tathaa likhitavaan praatah
prabuddho Budhakaushikah
आरामः कल्पवृक्षाणां
विरामः सकलापदाम्।
अभिरामस्त्रिलोकानां
रामः श्रीमान् स नः प्रभुः ॥१६॥
Aaramah kalpavrikshaanaam
viraamah sakalaapadaam
Abhiraamastrilokaanaam
Ramah shreemaan sa nah prabhuh
तरुणौ रूपसम्पन्नौ
सुकुमारौ महाबलौ।
पुण्डरीकविशालाक्षौ
चीरकृष्णाजिनाम्बरौ॥१७॥
Tarunau roopa sampannau
sukumarau mahabalau
Pundareeka vishalakshau
cheera krishnaajina ambarau
फलमूलाशिनौ दान्तौ
तापसौ ब्रह्मचारिणौ।
पुत्रौ दशरथस्यैतौ
भ्रातरौ रामलक्ष्मणौ॥१८॥
Phala moola ashinau daantau
taapasau brahmacharinau
Putrau Dasharathasya etau
bhratarau Rama Lakshmanau
शरण्यौ सर्वसत्वानां
श्रेष्ठौ सर्वधनुष्मताम्।
रक्षःकुलनिहन्तारौ
त्रायेतां नो रघूत्तमौ॥१९॥
Sharanyau sarva satvaanaam
shreshthau sarva dhanushmataam
Rakshah kula nihantaarau
traayetaaM no Raghuuttamau
आत्तसज्जधनुषा विषुस्पृशा
वक्षया शुगनिषङ्ग सङिगनौ ।
रक्षणाय मम रामलक्ष्मणा
वग्रत: पथि सदैव गच्छताम् ॥२०॥
Atta sajja dhanusha vishusprisha
vakshayaa shuga nishanga sanginau
Rakshanaya mama Rama Lakshmanaa
vagratah pathi sadaiva gacchataam
संनद्ध: कवची खड्गी
चापबाणधरो युवा ।
गच्छन्मनोरथोSस्माकं
राम: पातु सलक्ष्मण: ॥२१॥
Sannaddhah kavachi khadgi
chapa baana dharo yuvaa
Gacchan manoratho asmaakam
Ramah paatu sa Lakshmanah
रामो दाशरथिः शूरो
लक्ष्मणानुचरो बली।
काकुत्स्थः पुरुषः पूर्णः
कौसल्येयो रघूत्तमः॥२२॥
Ramo Dasharathih shooro
Lakshmana anucharo bali
Kakutstha purushah poornah
Kausalyeyo Raghuuttamah
वेदान्तवेद्यो यज्ञेशः
पुराणपुरुषोत्तमः।
जानकीवल्लभः श्रीमान
प्रमेयपराक्रमः॥२३॥
Vedanta vedyo yagneshah
puraana purushottamah
Janaki vallabhah shreemaan
prameya paraakramah
इत्येतानि जपेन्नित्यं
मद्भक्तः श्रद्धयान्वितः।
अश्वमेधाधिकं पुण्यं
सम्प्राप्नोति न संशयः॥२४॥
Ityetaani japet nityam
madbhaktah shraddhaya anvitah
Ashwamedha adhikam punyam
samprapnoti na samshayah
रामं दूर्वादलश्यामं
पद्माक्षं पीतवाससम्।
स्तुवन्ति नामभिर्दिव्यैर्न
ते संसारिणो नरः॥२५॥
Ramam durva dala shyaamam
padmaksham peeta vaasasam
Stuvanti naamabhir divyaih na
te samsaarino narah
रामं लक्ष्मण-पूर्वजं रघुवरं
सीतापतिं सुंदरं ।
काकुत्स्थं करुणार्णवं गुणनिधिं
विप्रप्रियं धार्मिकम्।
Ramam Lakshmana poorvajam Raghuvaram
Sitaapatim Sundaram
Kakutstham Karunarnavam gunanidhim
viprapriyam dharmikam
राजेन्द्रं सत्यसन्धं दशरथ-
तनयं श्यामलं शान्तमूर्तिं ।
वन्दे लोकाभिरामं
रघुकुलतिलकं
राघवं रावणारिम्॥२६॥
Rajendram satyasandham Dasharatha
tanayam shyamalam shantamurtim
Vande lokaabhiramam Raghu kula tilakam
Raghavam Ravana arim
रामाय रामभद्राय
रामचंद्राय वेधसे।
रघुनाथाय नाथाय
सीतायाः पतये नमः॥२७॥
Ramaya Ramabhadraya
Ramachandraya Vedhase
Raghunathaya Nathaya
Sitaayah pataye namah
श्रीराम राम
रघुनन्दन राम राम।
श्रीराम राम
भरताग्रज राम राम।
Shri Rama Rama
Raghunandana Rama Rama
Shri Rama Rama
Bharatagranja Rama Rama
श्रीराम राम
रणकर्कश राम राम।
श्रीराम राम शरणं
भव राम राम॥२८॥
Shri Rama Rama
Rana karkasha Rama Rama
Shri Rama Rama sharanam
bhava Rama Rama
श्रीरामचन्द्रचरणौ
मनसा स्मरामि।
श्रीरामचन्द्रचरणौ
वचसा गृणामि।
Shri Ramachandra charanau
manasa smarami
Shri Ramachandra charanau
vachasaa grinami
श्रीरामचन्द्रचरणौ
शिरसा नमामि।
श्रीरामचन्द्रचरणौ
शरणं प्रपद्ये॥२९॥
Shri Ramachandra charanau
shirasa namaami
Shri Ramachandra charanau
sharanam prapadye
माता रामो
मत्पिता रामचन्द्रः।
स्वामी रामो
मत्सखा रामचन्द्रः।
सर्वस्वंमे
रामचन्द्रो दयालुः।
नान्यं जाने
नैव जाने न जाने॥३०॥
Mata Ramo matpita Ramachandrah
Swami Ramo matsakha Ramachandrah
Sarvasvam me Ramachandro dayaalu
Naanyam jane naiva jane na jane
दक्षिणे लक्ष्मणो यस्य
वामे तु जनकात्मजा।
पुरतो मारुतिर्यस्य
तं वन्दे रघुनन्दनम्॥३१॥
Dakshine Lakshmano yasya
vame tu Janakatmaja
Purato Marutir yasya
tam vande Raghunandanam
लोकाभिरामं रणरङ्गधीरं
राजीवनेत्रं रघुवंशनाथम्।
कारुण्यरूपं करुणाकरन्तं
श्रीरामचन्द्रं शरणं प्रपद्ये॥३२॥
Lokaabhiramam ranarangadheeram
Rajeevanetram Raghuvamshanatham
Karunya roopam karuna aarantam
Shri Ramachandram sharanam prapadye
मनोजवं मारुततुल्यवेगं
जितेन्द्रियं बुद्धिमतां वरिष्ठम्।
वातात्मजं वानरयूथमुख्यं
श्रीरामदूतं शरणं प्रपद्ये॥३३॥
Manojavam Marutatulya vegam
Jitendriyam buddhimatam varishtham
Vatatmajam Vanara yutha mukhyam
Shri Rama dootam sharanam prapadye
कूजन्तं रामरामेति
मधुरं मधुराक्षरम्।
आरुह्य कविताशाखां
वन्दे वाल्मीकिकोकिलम्॥३४॥
Koojantam Rama Rameti
madhuram madhuraksharam
Aaruhya kavita shakham
vande Valmiki kokilam
आपदामपहर्तारं
दातारं सर्वसम्पदाम्।
लोकाभिरामं श्रीरामं
भूयो भूयो नमाम्यहम्॥३५॥
Apadaam apahartaram
daataram sarva sampadam
Lokaabhiramam Shri Ramam
bhooyo bhooyo namaamyaham
भर्जनं भवबीजानाम
अर्जनं सुखसम्पदाम्।
तर्जनं यमदूतानां
रामरामेति गर्जनम्॥३६॥
Bharjanam bhava beejaanaam
arjanam sukha sampadam
Tarjanam yamadootanaam
Rama Rameti garjanam
रामो राजमणिः सदा विजयते
रामं रमेशं भजे।
रामेणाभिहता निशाचरचमू
रामाय तस्मै नमः।
Ramo rajamanih sada vijayate
Ramam Ramesham bhaje
Ramena abhihata nishaachara chamoo
Ramaya tasmai namah
रामान्नास्ति परायणं परतरं
रामस्य दासोऽस्म्यहम्।
रामे चित्तलयः सदा भवतु मे
भो राम मामुद्धर॥३७॥
Raman naasti parayanam parataram
Ramasya daso asmyaham
Rame chitta laya sada bhavatu me
bho Rama mamuddhara
राम रामेति रामेति
रमे रामे मनोरमे।
सहस्रनाम तत्तुल्यं
रामनाम वरानने॥३८॥
Rama Rameti Rameti
rame rame manorame
Sahasranama tat tulyam
Rama nama varanane
इति श्रीबुधकौशिकविरचितं
श्रीरामरक्षास्तोत्रं सम्पूर्णम्॥
॥ श्री सीतारामचन्द्रार्पणमस्तु॥
Iti Shri Budhakaushika virachitam
Shri Ramraksha Stotram sampoornam
Shri Sita Ramachandra arpanamastu
Page updated
Google Sites
Report abuse