आतां हृदय हें आपुलें ।

 चौफाळुनियां भलें । 

वरी बैसऊं पाउलें | 

श्रीगुरूंचीं ॥ १ ॥ 

ऐक्यभावाची अंजुळी । 

सर्वेंद्रिय कुड्मुळी । 

भरुनियां पुष्पांजुळी । 

अर्घ्य देवों ॥ २ ॥ 

अनन्योदकें धुवट । 

वासना जे तन्निष्ठ । 

ते लागलेसे अबोट | 

चंदनाचें ॥ ३ ॥ 

प्रेमाचेनि भांगारें । 

निर्वाळूनि नूपरें । 

लेवऊं सुकुमारें । 

पदें तियें ॥ ४ ॥ 

घणावली आवडी । 

अव्यभिचारें चोखडी । 

तिये घालूं जोडी । 

आंगोळिया ॥ ५ ॥ 

आनंदामोदबहळ । 

सात्त्विकाचें मुकुळ । 

तें उमललें अष्टदळ । 

ठेऊं वरी ॥ ६ ॥ 

 तेथे अहं हा धूप जाळूं । 

नाहं तेजें वोवाळूं । 

सामरस्यें पोटाळूं । 

निरंतर ॥ ७ ॥ 

माझी तनु आणि प्राण । 

इया दोनी पाठवा लेऊं 

श्रीगुरुचरण । 

करूं भोगमोक्ष निंबलोण । 

पायां तयां ॥८॥ 

इया श्रीगुरुचरणसेवा । 

हों पात्र तया दैवा । 

जे सकळार्थमेळावा । 

पाटु बांधे ॥ ९ ॥