Den fyrste song
Tekst: Per Sivle
Melodi: Lars Søraas
Den fyrste song eg høyra fekk,
var mor sin song ved vogga,
dei mjuke ord til hjarta gjekk,
dei kunne gråten stogga.
2. vers:
Dei sulla meg så underleg,
så stilt og mjukt te sova,
dei synte meg ein fager veg
opp frå vår vesle stova.
3. vers:
Den vegen ser eg enno tidt
når eg fær auga kvila;
der stend ein engel, smiler blidt,
som berre ei kan smila.
4. vers:
Og når eg sliten trøytnar av
i strid mot alt som veilar,
eg høyrer stilt frå mor si grav
den song som all ting heilar.