Vitskapsselskapet
Aasmund Olavsson Vinje
FERDAMINNE fraa sumaren 1860
Side 178-180:
Det er rike ætter i Trondheim, og det er inkje
lite merke paa stakkarsdomen dei gamle trønder hev
sige ned til, at sume ætter kunde slaa seg so stort
upp paa ein stad der handelen ikkje meir kann
drivast i det store. Det var nye innkomne eller upp-
blanda ætter som visste aa taka tak i armodsdomen.
Den gamle Angellske rikdomen tyder godt det late og
armodslege tilstand i Trøndelagen og Nordland. Men
no kjem mykje av denne rikdomen til landsens gagn
atter i latinskulen, vitskapsselskapet og den store fa-
tighjelp, endaa folk sagde at byen berre hev skade
av henne, for alt det skrap som finst, kjem no til
byen for aa leva av desse rike gaavone. Men skrapet
maa ogso leva ein stad.
Den tid var der endaa rikare gjentor i Trondheim
enn no, og derfor kom det ogso friarar alt uppifraa
Kaupenhamn, som daa var hovudstaden. Gamle lærde
Suhm tenkte det skulde vera gjævt aa faa ervingen
til den ovrike Angell, so kunde han kaupa bøker og
leva for lærdomen. Det var nok verdt aa selja seg
for det, tenkte Suhm, endaa han var vel alt so til aars
og so ljot at det var ytt som bytt med honom og
kjærasten. Han hadde lærdom og ho pengar, so kom
kvar med si stormakt. Nokon av dei tri andre stor-
makter, stor ætt, venleik og aand hadde visst ingen
av deim. Det var soleis ingen rett slavehandel, som
slike giftarmaal tidt er.
Suhm vart soleis rik og kaupte bøker og levde for
vitskapen. Men gamle Angell fekk det ikkje alltid
som han vilde i huset. Gamle, rike folk er vandsame
Og den som er viss paa arven, er heller ikkje alltid
so velviljug mot den gamle. Nok er det, gamle
Angell fekk ikkje den vanlege kveldsgrauten sin i eit
aftanselskap, og so vart han sinna og tok so mykje
til «milde stiftelser». Men Suhm fekk endaa nok til
bøker, som han gav til det vitskapsselskapet han
grunnlagde i samlag med biskop Gunnerus* og
Schøning. Det var liksom ein uppkveik for Trond-
heim i den tidi. Og Suhm, som ogso var so rikt gift,
gjorde visst gilde selskap daa for desse lærde.
Det er baade bøker og mangt rart i dette vitskaps-
selskapet. Og det vert no styrt av so duglege folk,
at det vert gjort so stort gagn som mogelegt med
dei midlar det hev. Og det hev ikkje gjort so lite
for vitskapens uppkoma i landet; og det er til stor
lærdom for skuleungdomen i Trondheim aa faa sjaa
alle desse gamle vaapen og reidskapar og fuglar og
dyr og steinslag o. s. b., liksom det ogso er ein gjæv
samlingsstad til lesnad i alle dei nye og eldre bøker
for lærde og bokkjære folk i byen og der ikring.
Huset aat selskapet er i den store bygningi aat latin-
skulen, som ogso er bygd av den Angellske rikdomen.
Det hev kome mange gilde gutar fraa den skulen.
Og der er gilde gutar den dag i dag, som endaa
her i vetter og vaar gav ut ei tidend, alt til desse
frimodige gutane tala so djervt i den «svenske stri-
den» og um den komande kryningi, at politiet lagde
ned forbod. Der er altso «censur» enno i Trondheim.
* Gunnar med den latinske enden us.