Hovudstadsfolk
Aasmund Olavsson Vinje
FERDAMINNE fraa sumaren 1860
Side 163-164:
HOVUDSTADSFOLK
var det mange av i Trondheim til kryningi. Og
naar me møttest der, so var me som landsmenn
komne til eit anna land, so at folk som sjeldan rødde
med kvarandre i Christiania, var her som dei beste
gamle kjenningar. Ja, det var endaa slik, at herrane
tala meir fritt og kjent til damor, enn dei torde ha
gjort i heimbyen sin. Det er ogso langt imillom
desse byane. Det var derfor heller inkje so stort
under at nordanfjells og sunnanfjells i gamle dagar
var liksom kvar sitt rike, og det endaa lenge etter
at det var samla til eitt.
Det varde elles ikkje lenge fyrr me hovudstads-
folk fann oss meir heime her nord, for me raaka her
og der paa folk som er heime yver den heile jord,
av di dei hev lært det meste og beste av den
menneskjelege kunnskap. Og so raaka me paa
kunstnarar av mange slag, som ogso tidt ser rett
vidt ikring seg. Og so var det elles kjenningar og
upplyste folk som me kom i samlag med, so me
snart fann oss liksom heime, liksom me ogso snart
levde oss inn i eit og anna sermerkt for denne byen,
so som at ein dram her berre kosta tvo skilling
for denne skuld raadde derfor folk som hadde vore
her tvo-tri dagar, deim som etter kom, at det var
ringaste kosten aa leva her av snapsar og smør-og
brød. Men etter di faa selde brennevin, so var det
betre aa kaupa seg ei flaske «Lysholmar» og setja
inn i forfriskingshus og merkja henne med eit nr.
So kunde han koma atter og taka kjenningar med seg
og drikka og drikka av ei flaske som aldri traut,
og det paa stader der folket ikkje maatte selja
brennevin. Men so betala me tvo skilling drammen
til skjenkjegjenta for umaken. Det var byens skikk
dette, so kvart slikt forfriskingshus og: samlags-
hus (klubbar) stod rader med slike merkte flaskor.
Soleis møter folk brennevinsforbod. Det var ikkje
so mykje stortingspuns der som i Christinia heilag-
kveldar og paa stader der ingen brennevmsrett er.
Det er vinpuns av fransbrennevin dette, som heiter
og, som mang ein ærleg stortingsmann drikk,
av di han segjer med Paulus at lov, berre er til
for dei urettferdige.