Verða um 40 miðlungs stórar kökur
1 bolli rúsínur
1/4 bolli döðlur
100 g smjörlíki
1/3 bolli sykur
1 egg
1 bolli hveiti
1 bolli haframjöl
1/2 tsk matarsódi
1/2 tsk salt
1/2 tsk kanill
Hitið ofninn í 175°C. Kökurnar fara á fleiri en eina bökunarplötu.
Hakkið rúsínurnar og döðlurnar saman ásamt 1 msk af hveiti. Ef rúsínurnar eru ekki mjúkar mýkið með heitu vatni og hellið svo vatninu af.
Þeytið saman smjörlíki, sykur og egg. Bætið rúsínumaukinu saman við. Blandið saman þurrefnunum í aðra skál. Bætið svo þurrefnunum saman við blauta hlutann.
Notið teskeið og sleif til að forma kökur á bökunarpappírnum. Hafið 1/2 kökustærð á milli. Fletjið kökurnar létt með blautum fingrum.
Bakið í 10-12 mín og kælið svo aðeins áður en þær eru settar í box.