Þorskur í gráðostasósu
Þessi uppskrift er aðlöguð frá Fiskréttum Hagkaupa að eldhúsinu okkar og Ágústu. Uppskriftin dugar fyrir 2 og barn.
450 g Þorskur
100 g sveppir
3 vorlaukar
100 g gulrætur
150 g sætar kartöflur
1 bolli rjómi
1/2 fiskiteningur
1/3 bolli hvítvín (má sleppa)
1/2 gráðostur (~65 g)
Skerið sveppina og vorlaukinn í sneiðar. Skerið gulræturnar í litla stimla og sætu kartöfluna í aðeins stærri strimla (0,5 cm). Snyrtið fiskinn og skerið í 100 g bita. Steikið gulræturnar og sætu kartöflurnar þar til þær eru mjúkar. Gott er að setja lokið á pönnuna og láta þær malla meðan fiskurinn er steiktur. Fiskurinn er steiktur í olíu og smjöri í 2 mín á hvorri hlið. Þegar fisknum er snúið eru sveppirnir og vorlaukurinn steiktur. Setjið rjómann, hvítvínið, gráðostinn á pönnuna og myljið fiskiteninginn yfir. Látið malla þar til sósan er orðin þykk. Setjið gulræturnar og sætu kartöflurnar útí sósuna og kryddið með steinselju.