Noli me tangere

NOLI ME TANGEREMaria, Maria, kilalanan mu cuAnya mu pin, emu cu apisan, Noli Me Tangere.Pulisan mu ing luwang sasagese careng mata muAt abalu mu ing Yacu ing kekang Guinu,Anya mu pin, emucu tatalnan, Noli Me TangereUling eke pa ykit ing lupa nang Ibpa cu.Ing Dios mu, ere kinwa O penacuA anting linub keng makiput mung panisip,Ing Dios mu deigan ne ing camatayan.Aliwa aku ing ardineruAcu atin cung pemye at atin cu namang tinggap.Talaga sanang ecu pa dapat pakit kekaNung ecu ikit ing kiak at lumbe mu para cacu,Ilacu mu itang nanu mang calungcutanat tuparan at gawan mu ing anti caniting bage at utus cu.Ika ing magdalang balita at manyabicareng mengabating at meulila.Mamirapal at masaya mong puntalan ding labing metung.Akit mung mitipuntipun keta king tabon ning Jordan

Ing taksil apilit nung manasan a anting sadia rang gagawan

Laladlad du reng dala rang pamanasan

Nung nula mecaracap tau para mie.

At sabian mu carela, "talacad cayu at tara na"

ausan naka yu ning Capatad.

Sabian mu carela, Ali... Ing Guinu yang mamaus,

Al...i ing Dios yu yang mamaus kekayu.

Gamitan mu ing sablang cagiwan at gelingan mu

Anggang atuki mula ding tupa keng carelang Pastol.

At nung akakit mu, era capa pansinan

Pilitan meng lumapit keka y Simon Peter

Sabian mu kaya, "Ganacan mu ding cacung Amanu

a memilatan canacu at keka.

Ganacan mu nung namu ing sinabi cu

ketang bunduc ning Olives"

Atin cu pang dapat sabian at ala

cung ninu mang pisabianan.

Maestru, Guinu cu, pekibat nang Maria

Pamintuan at gawan cu ngan

Itang sablang pagawa at utus yu,

a mipnung tula king puso cu.

ecu pabusten a manajimik ya ing pusu at pilubluban,

ecu paburen a matudtud at magpiak la deng cacung mata

Ela painawa ding canacung bitis

anggang ecu la atipun at adala ding

tupa king kekang coral.

Ligaya cang Maria Magdalena,

Uling mekirandam ya king Guinu,

Gewa na ngang Maria Magdalena

Ing inutus ning Guinu a mipnung tulang

mabilog king puso na.

Ligaya at manwagi king kaladwa nang Nuan a Maria.

Maria Magdalena, mituburan a apostol para careng apostoles.