I Mading Memun Ne

Y MADING MEMUN NE

Neng Almario "amor" C. de Jesus

Melungcut at migbule cu, ketang dimdam cung balita,

Y Mading a caluguran, mepupus ne at mewala,

Mapalyaring tikian na la, di Tatang at mal nang Ima,

Minuli king tune bale, a carinan ning Bathala.

At agyang mecu ne'y Mading, e re lubus acalingwan,

Detang licwan nang pamilya, capatad at caluguran,

Biasa ya ping meki utus, mababa ya pilubluban,

At e ya basuguleru, lalung e picacasaman.

At cabang babalangcas ke, ing sonetong cawatasan,

Pangadi ke'ing caladwa na, tajimic sa king carinan,

Metanggap yang misnang lugud, midinan capatawaran

At deng melacwan keng bie na, .malugud deng gaganacan.

Anya cacung caluguran, iti yang cacung pangadi,

Ackit dacang pasibayu, canyang masanting mung bili.

acj