Bante

BANTE

neng Almario "amor" C. de Jesus

Gintu lang amanu detang inapse mu

Anti lang diamante, metung a modelu

Kilub ning Poema, nung atarucan cu

Ing mag Bante keca, ytang Mal a Ginu.

Inya keni nang bie, dapat tang ganacan

Ating Mayupaya, ya cabud ing sangcan

Ya ita nang Giya, nanu mang dalanan

Manwala ca Caya, Ya ing Caligtasan.

Ita nang dalumdum e cacatacutan

At e ca mitisud batong dadalanan

Mamantabe keca anghel na ning Ginu

At apanginlagan ing nanu mang "tucsu".

Anya balang Horas, luguran me'ng Bante

E na ca cawanian, caba ning kecang bie.

Atin yang pakibat i Paeng Maniago king poemang ini.

&************&

12:40pm Aug 3

BABALICAN ING MILABAS -

Neng Almario C. de Jesus -

Babalican ing milabas, e na rugu mibalic pa

at saca ca pasalamat, ketang Mayap a binie Na,

Ytang timan a capurit, ya ing mamantabe keca,

Cabang deng kecang litratu, maluluma no itsura.

Nanung sangcan mipaskil la, e cu bisang macalingwan,

Uling malwat na ping tutu, ing linaut at mindaywan,

Detang casising-anac cu, e ra na cu atandanan

Anya naman kening Face Book, malugud cu lang balican.

Nung sacaling buri ning Dios, e na cu macapagbalic,

Kening lugal America, keni na cu manahimic,

Pilitan cung ipatad pa, ing alalang mipnung sabic

ketang Angin a marimla, at uran a atic atic.

Caretang cacung capatad, cacuyug at capanalig

Meging dake na ning bie cu, ketang lugud a sasagid.

acdj.

********