Pamagaral King Literatura

PAMAGARAL KING LITERATURA

Almario C. de Jesus, (estudyante/magaral)

Agyang nanu yang aguman, alben mu deng manimuna,

Nanu mu ing parasan da, ot cailangan tucyan mu la,

Ity caya macacayap para kacu, para keca,

O mag bural bural la salu, balang makilalang biasa.

Alben yu ing maliliari king labwad ning Capampangan,

Ditac ditac ing Amanu, milelele, mecalingwan,

Istorya, literaturang at culturang pagaralan,

Abilang mu keng taliri detang bisang manigaral.

Ing Parnasung Capampangan, capamilatan ning Ari,

Papasiag na ing pake na, agiagan nu ring cacampi,

Pamagaral literatura, at culturang Capampangan,

Abe abe tamung lungub, dagdagan tamu ing belwan.

Luid ca Renato Alzadon kening masanting mung pake,

Itang tenacan mung tagle, ituru mu cami at idake,

Samasan me ing "Lesson Plan" caring kecang estudyante,

Bang ing baleng pagaralan, luban miyang mitiwase.

&********&

Almario C. de Jesus *****

PAMI-ABEABE.

Ing Parnasung Capampangan, anting metung a Pamilya,

Ytang Amanu tang Siswan, ingatan yang maulaga,

Nung atin mang cagutgutan, alingasngas a mesabi,

Eta lubus mamarsala, pilitan tang manatindi,

Ing milabas a matsura, calinguan tamu't gulutan,

Ing ngeni at ing bucas, yang kecatamung samasan;

Abe abe tang manintun ketang mebating a singsing,

Bang isimpan at mibalic, itang cule na at ningning.

acdj 4/16/2016

&*********&

Almario C. de Jesus