Ate Naty Cacu
neng Mely G. Catacutan
3/5/2012
Nyang misalagpi cu careng Catacutan,
Y Ate Naty yang minunang ikit cu.
Iya ing pan lima caring walung bayu,
Mekapakiasawa cang Judge Fulgencio.
King pamakiasawa, talagang tinud ya,
Maging professional ding atlung anac da.
Meyari PMA itang pangane na,
Mig-"commercial Pilot" at abogado pa.
Pangadwang lalaki king U.P. meyari,
Balitang "scholar" ketang pamagaral,
Biasang talasulat, doctor ning pamilya.
Lugud e mu anti, uli ning saup na.
Ing bunsung anak na kinanwang comersiyu,
Ngeni Branch Manager maragul a banku.
Malingap king Indu matua't capatad na,
Yang linucup cambe ring kayang pamilya.
Pamanantabe mu, e mi acalinguan,
Maski nanung horas malyaring lapitan,
E mi ykit keca, nanu mang caimutan,
Anya Ate Naty, talagang luguran.
Pamanintun obra waling caluguran.
Ngening establi no ngan ding pamilya
Ing pamicalugud manatili sana.
Yang ing unang ikit cu cabud miugne cu,
Pamilyang selagpyan at caluguran cu.