Aganaca mu cu...
Neng Almario "Amor" C. de Jesus
Metula ya ining pusu,
king aldu ning kebaitan.
Uling aganaca mu cu,
At e ca pa mengalinguan.
Agyang malagad mung tutu,
era ca ababalitan.
Dapot king cacung isipan,
eca meco capilan man.
Madalas ing pangadi cu
ala ca sang panandaman,
at parati cang masaya,
alang problema ditac man.
E pa sana menaliua,
ytang aske ampon liguan,
Yca pa murin ing sadiang
babaing cacung liguran.
Dirimla ne'ng gatpanapun,
paralum ne itang bulan.
At malapit ne mung datang
ytang tacdang cahorasan.
Nung sacaling miras yta,
Emu sana cacalinguan,
Ing lugud a pisulu ta,
bacalan cu king carinan.
Ding tula't mayumung timan,
Mamyalung la king isipan,
Panintunan ing aplus mung
babie pali keng catawan.
Nung nucarin ecu balu,
Macananu at capilan,
Angga cu nang paninapan
Miikit ca ta pang misan.
Aldo'ng ning kebaitan cu
Salamat ketang "e-mail" mu,
Pepakit mung itang lugud
Angga ngeni darala mu.
Ytang aganaca mu cu,
Kening cacung kebaitan,
Regalung pecamanyaman
me anac cu pakirandam.
&**********&
2). ALANG CUPAS A PACAMAL; ENDLESS LOVE.
neng Almario "amor" C. de Jesus
GANACAN MU CU SA, potang memun nacu,
mitacpan nang belo, king panlalawe mu,
masayang pinandit, king duyan migyuyu,
keca lang isimpan, king caban ning pusu,
REMEMBER, tandanan, I will always love you !
CALUGURAN DACA, busal ning cabengian,
cayabe ring batuin at maslag a bulan,
sablang acakit mu king capaligiran,
ylang meging sacsi, ning sumpa cu Irang,
YO TE AMO MI AMOR, alang cayangganan !
ING LUGUD CU KECA, ting saslag a aldu,
babo ra deng bunduc, ume neng tatandu,
Keng dala nang paling, isalbag na king yatu,
ot e man merimla, pali ning lugud cu,
MY LOVE FOR YOU, TE QUIERO yan ing tandanan mu !
SANA GANACAN MU, neng paldas ne'ing bengi,
at mitda ne sala, ining bye cu bandi,
lubus menajimic, ala nang asabi,
e na la marandam, poesyang macawili.
SOLAMENTE UNA VEZ, ycang mal cung dili.
TUNOG NANG KAMPANA, anting tagulele,
panangis ning pusu, a keca miwale,
neng magdilidili at mibulebule
paninapan mu sang, banua acayabe;
DREAM WHEN YOU'RE FEELING BLUE, dream that it may come true.
I'M ALWAYS THERE WITH YOU, e cu aparandam,
daramayan da ca , sakit ning panamdam,
potang mapupus ne , ytang bye mung indam,
Panalangin mu sang, midinan cang Calam;
PRECIOUS GIFT OF MY LIFE, mal cung sintang Irang !
by:
Almario "amor" C. de Jesus
acdj 1/10/2016