SINTA CUNG DALAGANG BARYU (ABT)
(Ing Aguila Ning Apalit)
*
A - Ating metung a dalaga, ketang baryung keragulan,
T- Tasing ing cayang palayu, yang mengising capalsintan;
A- Agyang anac pa ing bili, canacu nang peninapan,
N- Nasang luguran nacu sa, bang midinan capaldanan,
A- Agyang maluca ing bili , dagul mu keng cacalulwan,
C- Canyaman na at ing lugud, masaya ming apisulwan;
I- Inya ngeni ke ning bie cu, canacu mung babalicdan
A- Anting metung a paninap, babye lumbe ampon timan.
B- Baket caya, mipacanyan, aliwa ing capalaran;
T- Talaga ing bie keti king yatu, ala cang asisiguru
A- Agyang nanu ing gawan mu, ing malyari emu balu,
G- Gulung ya waring dudurut, milalam ca o mibabu
L- Lasang agyang nanung pait, o mayumu alducan mu
E- Eme parsalanan ing Dios, nung mebigu ing Sinta mu.
I- ca cabud ing mikintal, kilub na ning cacung pusu...
L- egwan mung alang capara, yang mitanam kening salu,
O- bat caya balang oras, ena midayu king lub cu,
V- irgen ca waring sasamban, pangadian at ausan cu
E- na balang manaya cu pa, cabang yatu ya ing yatu.
Y- ana ngening malapit na, itang cacung caorasan
O- reni detang Amanung, malwat cu naping sisimpan
U- stung asabi cu nala, midinan cung caligayan...
"dala cu no king cutcutan, ketang marinlang pageran,
Salamat ketang lugud mu, Ica ing cacung Palsintan."
acdj
****
SINTA CUNG DALAGANG BARYU
(Ing Aguila Ning Apalit)
Ating metung a dalaga, ketang baryung keragulan,
tasing ing cayang palayu, yang mengising capalsintan.
agyang anac pa ing bili, canacu nang peninapan.
nasang luguran nacu sa, bang midinan capaldanan.
agyang maluca ing bili , dagul mu keng cacalulwan
canyaman na at ing lugud, masaya ming apisulwan.
inya ngeni ke ning bie cu, canacu mung babalicdan
anting metung a paninap, babye lumbe ampon timan.
B- aket caya, mipacanyan, aliwa ing capalaran...
Talaga ing bie keti king yatu, ala cang asisiguru
agyang nanu ing gawan mu, ing malyari emu balu,
gulung ya waring dudurut, milalam ca o mibabu
lasang agyang nanung pait, o mayumu alducan mu
eme parsalanan ing Dios, nung mebigu ing Sinta mu.
I- ca cabud ing mikintal, kilub na ning cacung pusu...
e milacu itang “tattoo” maski na nanung gawan cu.
L- egwan mung alang capara, yang mitanam kening salu,
O- bat caya balang oras, ena midayu king lub cu,
V- irgen ca waring sasamban, pangadian at ausan cu
E- na balang manaya cu pa, cabang yatu ya ing yatu.
Y- ana ngening malapit na, itang cacung caorasan
O- reni detang Amanung, malwat cu naping sisimpan
U- stung asabi cu nala, midinan cung caligayan...
"dala cu no king cutcutan, ketang marinlang pageran,
Salamat ketang lugud mu, Ica ing cacung Palsintan."