Pira-pirasong Poesia

********

AMANU NING MAGUMASID -

Dirimla ney'ng gatpanapun, parulum ne itang bulan,

At walu na cung decadang cacayud a alang tucnang,

Neng mitacpan ne ing sala, at painawa neng cabengian,

Canita maging dalo ya, ing masayang milabasan.

Ing Yumu ning Panalala, ya ing cacung paninapan,

Datang sana itang abac, mibalic cu cacung tibuan,

Masaya mu cung tanggapan, ketang marimlang cutcutan,

At pacyabayan cu na la, ding pengaring caluguran.

acdj

******

Masanting yang aral, e dapat calinguan;

masampat yang dalan a dapat tuntunan;

ding balang amanu kecang talingtingan;

ilang tune diwa'ng casalpantayanan;

anting calam keca ning Ginung Miglalang;

Caya mu idaun ing capasalamatan.

acdj

Mumuran canita, e cu acalinguan,

Poeta Lauradu, miputung king canuan,

At agyang mebasa, e cu na pinsingan,

Uling sobrang tula, ytang penandaman.

Taung pesitagun, papalacpac la ngan,

Anting pamagsaya, aldu'ng Capampangan,

a malagad tutu'ng gagauan da Portland,

Gagale'ng poetang, king amanung sisuan.

acdj 7/23/2020

***

Nanan cu pa cacung sinta querame me yng caladua

lawan mu na quening dusa, quening puso miglapo ya

Irug ticusan muna ing cacu mu pamacamal

asaan mu capilan man era ca rin calinguan.

****

Lalam ning masalang bulan iniang sumpa ca

sicsian da retang mabanglung rosal

ing amu ing eca magtacsil cabang mabie ca

macanyang cang sinumpa quing banala a sinta

*****

caibat mung sinumpa qng cabanalbanalan

memun cu keka bang manintunan

balang iquit cunng mangasanting a imalan

panyali daca bang ting saganan

******

daput bigu ing calma iniang belita raca

belita ra canacu meqiasaua naca

linason me ing puso pati na ing caladua

ing sumpa mu cacu macanian mu pala

******

nanan cu pa ining bie nung wari sat macanyan

Dios cu cunan muna cu anteng camatayan...

Linason me ing puso pati na ing caladua

O babaing salauaan...

PIESTA NING BARYU SUCAD, PARANGAL CANG SANTA LUCIA

Malaus co pu, nganang, Almario "amor" C. de Jesus

Malaus at Lungub co pu, salamat king panyatang yu

Piesta na ning Baryu Sucad, ya ing pagmasusian tamu

King Pasalamat at Tula, pamanantabe ning Ginu

At cang nuan a Santa Lucia, Patrona na ding Devotu

Balang banua pagmasusian, no ke man dane ning Yatu

Ing panata mi king Santa, capilan man e magbayu.

Deng ca-baryu mi pu Sucad, e anti mung Capangayan

Tapat lang lugud king Ginu, tune casalpantayanan

Dacal la reng memagaral, mesalese paintungulan

Ating doctor, abogado, madre, enhiero at maestru

At ding "OFW's", mendaywan keti king Yatu

Lalu keti America, at labwad da ding Arabu.

Dapot agyang licwan miya, ing baryu ming pacamalan

Dit man e mecu king isip, ing ugaling acagisnan

Anti ing pamag-masusi, Disyembre trese'ng daratang

Baryu Piesta na ning Sucad, parangal cang Lucia'ng Nuan

Y Luciang sinacwil bandi, dalagang miningat puri

"Nuan ca pung alang anti, caring lupa mung babai".

Ding Hermano'ng menatagan, canacu ing pasabi da

Malugud dang Pamananggap, pisulwan ta ing anda ra

Yti gewa rang panata, inyang miras America

Magpiesta la't pasalamat king Dios at Santa Lucia

Salamat pu ! Salamat pu! at milabas ing pabanua

Anya ngeni pupusan ke, ing cacung pamagsalita

Ketang mapuri nang Gosu, a Santa ra detang "Mata":

"Bapu malugud a Santa

Patulunan ming Debota

Malagung Santa Lucia

Ipanalangin mu ke sana".

Artesia, Ca. U.S.A Dec. 08, 2013

ALMARIO "amor" C DE JESUS -

(Mibait bulan na ning Mayo)

*

Penata nacung Inda cu cang mal a Santo Antonio.

Anya istung sisimba cu macasulud mamilucu,

Caretang taung manakit, ing sabi da mag-pari cu,

Dapot anyang meragul na, aburi cu Abogadu;

**

Sasabian da detang Pari, manyabi la ping catutwan,

At den namang abogadu,ating ditac calaraman,

Neng metung cung Capampangan, tetac cu king caisipan,

Magaral cung mamalangcas, at lalang ping cawatasan;

***

Kening delanan cu ping bye, maragul cu pasalamat,

Macasuyu king Amanu, gagambul a misnang tapat,

Agya mang mipalaut cu, sumangid dagat linipat,

Ing tibuan cung kebaitan, kening pusu macalapat.

****

Pangadi cu king Miglalang, midinan sang catuparan,

Anguanan na ining bie cu, king labuad cung keragulan.

acdj

&**********&

CASTLE OF JESUS/CASTILLO DE JESUS-

ALDO'NG KEBAITAN-

Sana masaya pin, aldo'ng kebaitan

Ngening acakit cung parulum ne'ng bulan,

Ing cacung pangadi, at Caya cu aduan

Cumaba pang ditac ing bye daralanan,

Bang ing pamanuyu, lacuas midagdagan

Bayang luntu tingcad ing Amanung Menan,

At nung munta nacu, aliwang balayan

Mebating a singsing, e ra ne paintunan,

Ding sablang lulugud, king salitang menan

Akit mung mag-biba, king pamanambitan.

acdj 05/21/2019

MALUGUD KENG YAMPANG KING MASAPLALANG KEBAITAN NA NING AGUILA NING APALIT///

Ding lira na ning cudyapi tagulele la pang misan ,

Ding cundiman ning amanu magpatilo king katasan.

King dimla ning alapap lungub la at managlusan.

King carinan da ding batwin detang tala ampong bulan,

Agtalan ku ing leguan da ikuldas ku keti lalam

Salabaganan keng sampaga ing landas ning matenacan.

King Guinu tang Mayupaya dalangin kung anggang binit ,

Ipagkalub ing bendisyun king Aguila ning Apalit.

Ing sicanan ning catawan at talas na ning pamisip,

Lalung sican itang agus alang tucnang manialicsic.

Ban kanita ing amanu e mibili ketang tawit ,

Makatibing mabalag ya nung magkulang itang bitbit.

Anya ngening kebaitan na ning mabicas ning Apalit,

Tanggapan meng pamagnuanan galamanung misnang talik

DIWANG MALIAP NING CANDABA,

TORRANCE CA.4:30PM 5/19/18

BIENC, YABUT

Deng amanung tegulaling, keng aldu cung kebaitan,

Matimbang la pa keng gintu, malugud cung tatanggapan;

Salamat keng panalala, at bilin pacatandanan,

Ing beitan tang salita, salicsican ya't lingapan;

Macatuki, mamagape, keng masanting a parasan,

Saup-saup, abe-abe, anting tune Capampangan.

Luid ca Bienvenido, diwang maliap ning Candaba,

babye cu ing puge keca, tune at mapiang poeta.

acdj

&*********&

ING APU CU, GAROSA AT KALAKIAN

Diwa nang Simang Leyson, (Meging Mutya Macabebe)

Kudta neng Almario "amor" C. de Jesus

Ing Garosa nang Apu cu, gawa yamu ketang kuayan

Yti ala yang parugang, aneng cayan gugulyutan

Agyang mababa ya yti, agyu ne nitang Kalakian

A damulag a sese na, madalas ming gagatasan.

E pu anting capangayan, manyaman ke pu Almusal

Gatas na nitang Damulag, titiltil mi ng Pandasal

Anya yta nang Pandasal, misna ya pu calinamnam

Nung malwat me pang isoso, bayu subu king acmulan.

Neng pakiskis ne mang pale, ketang Garosa isake

Agad na nacung sabianan,Inang tuki na ca dale

Mamirapal na cung gayac, ing garosa lundagan ke

O caya maki-angcas cu, keng siping na macalele.

Itang plaza yang saria mi, medyu malaut yang bina,

Oneng e cu mangainipan, e cu meranup bitasa,

Dacal la retang tindahan, mialiwa ing tinda ra,

Aneng dagul ing pisamban, calibutnan na ning plaza..

Lalacad la ngan deng tau, keng dalan salasalabat

Pagmulalan da cu rugu, ketang cacung panga-atyat

Babu na nitang garosang careng tau sipat - sipat,

Ala cung tucnang titiman, misnang saya't sasagacgac.

Yti e cu acalingwan, parating lulub king isip

Inyang mabie ya'y Apu cu, madalas cacu kikilic,

Buri cu sana ping gawan, nung muli cu at mibalic,

Keng labuad cung keragulan, misnang datun at tahimic.

acdj 1/25/2018

&**********&

Almario C. de Jesus *****

LACAN - DIWA, PASTOR MALIT-

Y Rolando Malit, pastor Methodista,

Mipamulala cu, ing lacan-diwa ya,

Dapot king lugud na, king Amanung mana,

Keni nang Crisotan, anti neng Poeta.

Ngeni king Capilya, potang manaral ya,

Agcas nang amanu, king Bersu at Rima,

Nanung sikretu na ot agad biasa ya?

Pekibat na cacu, mamasa yang Biblia,

Caretang Casebyan, dungdungan mo ngana,

At pati na Salmo, pakibasa mu na.....

Ding malagung Dalit, paki-gale mula,

Deng matwa tang nunu, Mapia lang Poeta.

acdj 2/19/16

&************&

manolo dela pena / almario ‘amor’ de jesus

—1—

masayang aldo ning kepanganakan, poeta almario ‘amor’ de jesus

— manolo dela pena

Bisang isalubung mayumu kung timan

Poyeta ning narra sucad menibatan

Matantung aisip pugue ing iyampang

Kambe ning pangadi ning aldong yung beytan

Manasa ning Guinu dinan nang sikanan

Maglakbe makaba keti king sikluban

Mipmu king dengalan watas ning apalit

Lalakad king bie daklat a matulid

Lasip ampong faina ikayung manyaplid

Mataram yung pluma sukab e milapit

Dapat ning kayapan kekayu meyakit

Bante ning Parnaso gamat yu miyusig

—2—

aldo’ng kebaitan

— almario ‘amor’ de jesus

Sana masaya pin, aldo’ng kebaitan…

Ngening acakit cung parulum ne’ng bulan,

Ing cacung pangadi, at Caya cu aduan

Cumaba pang ditac ing bye daralanan,

Bang ing pamanuyu, lacuas midagdagan

Bayang luntu tingcad ing Amanung Menan,

At nung munta nacu, aliwang balayan

Mebating a singsing, e ra ne paintunan,

Ding sablang lulugud, king salitang menan

Akit mung mag-biba, king pamanambitan.

&**********&

BIE NING POETA,

Neng Almario "amor" C. de Jesus-

Madalas ing malilyari, keng bili mung misnang datun,

datang cabud ing pinandit, midinan cang inspirasyun,

deng amanung lipo-lipo, lalapit lang susun-susun,

canita ca macalalang, cawatasan a manayun.

At ing metung a poeta, alipan ne ning Romansa,

Mabibye ya't mangisnawa, king lagyu ning Pamalsinta,

Agyang nanu pang pabsubuc, talacad at labanan na,

Arapan at tanggapan na, ytang calma'ng mibye caya.

Deng amanung susulat cu, malwat na lang macasimpan,

migulis la at milulan, king caban ning caisipan,

keng lacad na ning panaun, dacal nacu rin delanan,

minye aral at tuntunan, cambe casalpantayanan.

Ing mabibye keting Yatu, anting mipayid a banglu,

caibat nang sinalingalngal, ala na cang ababau.

acdj - sept 30th

&************&

PAMICALUGUD KING AMANU

Neng Almario "amor" C. de Jesus

Itang yumu at lasa na,

binasa cung cawatasan,

Macabie yang capasnawan,

kening mainang caisipan;

Ditac ditac mangupas na,

ing lugud ta at panamdam,

Uling menga palaut na,

pamagobra at cabiasnan;

Detang aliwang Salita,

a pilit dang papagaral,

Anti na mu ing Tagalog,

Inglish, Arabu, Castillan,

Deting Sabing pinili da,

Paglibe re king amanung ...

Binie na nitang Miglalang,

caring dai' ng Capampangan.

Ing amanung meging mana,

e ya dapat macalinguan,

Yan ing dapat tang luguran,

tatac ning bye mung ingatan,

e me sana picarine,

ipagmaragul meng tune.

acdj

&***********&

• • • • • • • • 1. Something that made me happy from a friend!

                2. If I could catch a rainbow I would do it just for you And share with you its beauty On the days you're feeling blue. If I could, I would build a mountain You could call your very own A place to find serenity A place just to be alone. If I could, I would take your troubles And toss them into the sea But all these things I'm finding are impossible for me I cannot build a mountain Or catch a rainbow fair But let me be what I know best A Friend who's always there I promise to defend you Should the occasion ever rise And I promise to wipe away the tears Which might stream from your weeping eyes Let me be the trusted Friend The one that you know best I will never leave you On that you can surely rest.. Good morning!

                3. Pamamatula ning Caluguran !

                4. (My Capampangan version)

                5. Dacpan ke ing pinanari, gawan cu'y ti para keca

                6. Piramaian tang lagu na, careng aldu'ng malumbe ca,

                7. Patalacad dacang bunduc, nung agawa cu mu sana

                8. At iti maging keca ya, macapagdilidili ca.

                9. Nung maliari cung cwanan, ing sablang kecang problema

                10. At canacu ngan ibasibas, ketang dagat a malalam,

                11. Dapot rugu e maliari, sablang buring panintunan,

                12. E cu macagawang bunduc, pinanari'ng pakiracpan.

                13. Dapot ini yang balu cu, anting kecang caluguran,

                14. Ipagliwalu't alben daca, pangacung kecang asaan,

                15. At nung ating tumulung lua, aplusan co at pulisan,

                16. Bang midayu itang lumbe, at mibalic itang timan.

                17. Panwalan mu caluguran, e gumulut capilan man

                18. Mayap at Masayang abac, malagu cung caluguran,

                19. &**************&

                20. AMANU NING MAGUMASID, OCT. 20, 2017

                21. Ing Bucas, maging Ngeni ya,

                22. Ing Ngeni, muli yang Napun,

                23. Ing Napun, malalcuan ya,

                24. King pulayi ning Panahun

                25. a pasulung nang pasulung,

                26. pakirasnan ne ing Sepu,

                27. ning alang angga.

                28. acdj.

                29. &*******&

AMANU NING MAGUMASID -

Dirimla ney'ng gatpanapun, paralum ne itang bulan,

At walu na cung decadang cacayud patitingapun,

Neng mitacpan ne ing sala, at painawa neng cabengian,

Canita maging dalo ya, ing masayang milabasan.

...

Ing Yumu ning Panalala, ya ing cacung paninapan,

Datang sana itang abac, mibalic cu cacung tibuan,

Masaya mu cung tanggapan, ketang marimlang cutcutan,

Pacyabayan cu la mu rin, pengari cung caluguran

&**************&

Querubin Fernandez

Querubin Fernandez

Matula ku't abalu kung Poeta ka naman pala,

,Malwat ku nong buring akit

ding selikut mung poema

Neng akakit daka lagyu keniñg celpon kung papalya

Keng Almario C. de Jesus

lalatlat ya'y Rio Alma

King ene man Kapampangan

a larinung anti ika.

Sasaludwan daka naman makudta ka ping talaga

Inya sa ilage mo no ding

akudta mung poema

Ban ing kekatang Amanu

lalung sunlag ing legwa'na.

Luid ka, Amor, luid ka, luid ka!

Luid ka balen kung Pampanga.

Unlike · Reply · 2 · 2 hrs

Almario C. de Jesus

Almario C. de Jesus Atin na cung gewang pakibat, e cu mu balu nung metanggap ya. Subucan cung gawang aliwa Sir Querubin..

Like · Reply · 28 mins

Almario C. de Jesus

Almario C. de Jesus Almario "amor" Castillo de Jesus-

(Ilug ning Caladua at lugud, castilyu nang Jesus)

Ot e cu malit malitmalitan, ing apansingan yucu pala,

Agyang malati cung panas, bisang mabiasa keng poesya,

Bisa cu mung makiabe keng parasan na ning DILA,

Bang ing amanu tang siswan, e culimlim itang sala.

Ing ANASI a PARNASU, aguman a manimuna,

Manamuyut cayanacan, pagaralan ing Cultura.

Y Rafael, y Mang Ernie, ilang menagcat canacu,

Ing subucan cung sumulat, careng rima ampon bersu,

Mecumbira cu Oregon, ginale cu king Amanu,;

UPLI Pres. Ben Yuzon, metung careng cumbiradu,

Sinabit ne ing Medalya keng santing ning ginale cu,

Macanyan cung megumpisa, tinuclu keng entabladu.

Pegaralan cu la naman detang matuang cawatasan,

Sinulat da reng minuna, mesubuc na king cagiwan,

Anti mu ing BAKAS PANAS, librung tutung pangawilian,

Masanting lang maging padron, dacal ca apagaralan;

At agya mang milaut cu, king labuad cung keragulan,

Ing Panamdam Capampangan, e ke malyaring gulutan.

Luid ca Sir Querubin Fernandez, mapiang poeta laureadu

Luid ya ing Capampangan, caluguran cung Amanu!

acdj 2/4/16

&**************&

comments giagis

Almario C. de Jesus

Nung capilan cu miwale, king labuad cung pacamalan,

Canita cu penamdaman, lugud king amanung sisuan;

Anya ngening metua na cu, malapit da na cung lacuna,

E yu sana cacalinguan, deng dimut cung cawatasan,

Ilang pamanang babye cu, caring cacung caluguran

E sana malili, ing tagulele na,

Miras king panamamdan , lupang Capampangan,

Bang mal a salitang binie ning Miglalang,

E nya cabud matda, keti king Sicluban.

&**************&

Manolo Dela Pena

• • • • • • • • 1. · May 21, 2016 · Turin, Italy ·

                2. Bisang isalubung mayumu kung timan

                3. Poyeta ning narra sucad menibatan

                4. Matantung aisip pugue ing iyampang

                5. Kambe ning pangadi ning aldong yung beytan

                6. Manasa ni...ng Guinu dinan nang sikanan

                7. Maglakbe makaba keti king sikluban

                8. Mipmu king dengalan watas ning apalit

                9. Lalakad king bie daklat a matulid

                10. Lasip ampong faina ikayung manyaplid

                11. Mataram yung pluma sukab e milapit

                12. Dapat ning kayapan kekayu meyakit

                13. Bante ning Parnaso gamat yu miyusig

                14. Masaplalang aldo pu ning k

                15. ekong kapanganakan luid luid luid!!!

                16. Pl Almario C .de Jesus

                17. &**********&

                18. almario C. de Jesus

                19. Tono - Kuarenta dias a canta.

                20. DENG PULUBI...

                21. Macalunuslunas bie rang daralanan,

                22. Mi-indang pulubi , mabibie king dalan,

                23. alus pating-apun misan la mu mangan,

                24. nung alang maglimos a taung daralan;

                25. at potang bengi na, era balung daptan,

                26. nung no de pin idala, carton a pagkeran,

                27. istung linapit la , lele deng restauran

                28. agad dong itabi, buring pamaldacan.

                29. tuglungan ye pu

&******&

Cata cata nang Harvey Rivera

• • • • Misan mu keng cata-cata,

      • Careng binasa cung poesya,

      • Ing cang Harvey, aliwa la,

      • Keng istilung macayama.

      • Balu nung pitumpac-tumpac,

      • Ding amanung mangasampat,

      • E la macaba, macuyad,

      • Casantingan la keng sucad.

• • • acdj. &**********& Siwala nang sinucwan, carin peparamdam tune cabaldugan metung a poema, ding atlung tanamanm, matibe a dutung king bye ning Mengabus, king panga-bait na ketang lalabangan, at malang gewa na busal ing siguada, mica caligtasan at keta nang cruz, carin de pinacu ing Ibpang midaun, bang ytang lelangan ketang casalanan, inatubus na na ngan. &*************&

Almario C. de Jesus

Penata nacung Inda cu cang mal a Santo Antonio.

Anya istung sisimba cu macasulud cung Abitu.

Caretang taung manakit, ing sabi da mag-pari cu,

Dapot anyang meragul na, aburi cu Abogadu;

Sasabian da detang Pari, manyabi la ping catutwan,

At den namang abogadu, ditac mu ing calaraman,

Neng metung cung Capampangan, tetac cu king caisipan,

Magaral cung mamalangcas, at lalang ping cawatasan,

Maragul cu pasalamat, kening meging caranasan,

Meging poeta laureadu nitang Amanu tang Siswan.

acdj

**********

&******&

APALIT

salamat pu qng Aguilaqng Apalit penganac dading lugud ning amanu naqueng pusu macataba lasalamat pu queng pansin yu

cang garetang palsintan cu

mal ya pu quening lingcud yu

'bat pa quetang malati cu

ding amanu pung sisibul

tutulu pung alang gatul

pauli no pu ning sucdul

diwang queng napun pupupul

pupugue pu queng Aguila

ding malaguintu ng lira

lipat ning tas sulagpo na

pilubluban quebaban ya

nya pu ena pagtacan pa

Laureadu yang Poeta

uling tune papasyag na

pamicudtang alang duda

qng lagyu pu ning Amanu

babie ne pu ing saludu

ning maluca mung lingcud yu

Guinung Aguilang Almario

Mayap a oras na pu ing Guinu, Ca Amor.

Magpugue ya pu ing maluca yung lingcud,

Anac Ning Arenas

&******&

j

Like · Reply · February 8 at 11:06am

&******&

PAKIBAT, king Lugud ning Indu-

Almario "amor" Castillo de Jesus-

(Espiritu, Ilug, Lugud ning Castilyu nang Jesus)

Deng Amanu sasanting la, nung menibat la keng Pusu,

Lalu nung ing pisasabian, lugud ta king mal a Indu,

Agyang e ca pa poeta, o sadiang ditac mu Balu,

Macalalang cang Poema, uling manyabi cang Tutu.

Keng panamdaman ning Pusu, ity ala cang Aparis,

At e mu basta alele, paimburisan mung Unabis,

Deng amanu ning lugud mu, piniling Pecamalinis,

Idaun mula cang Indu mu, panlalaweng sari Lambis.

E cu balu nung "talent" pin, ing bunga ning Caisipan,

O sadyang meging calma cu, a binye na ning Miglalang,

Mebiasa cu ping sinulat, agyang dimut mu ing Belwan,

At ing Amanung Beitan, Mal ya cacu Capilan man.

Matula cu mekibat ca, at yan e dapat Cailyan.

Lalu nung pawang catutuan, itang kecang buring Sabian.

acdj Feb 10, 2016

&******&

DIUANG MALIAP-

almario "amor" c de jesus-

Diuang Maliap Ning Candaba, casanting nang Panalucian,

Ing delanan na ning bie mu, pamanintun Pagcabiayan,

Dirutan me yting yatu, miparas ca pati Iran,

At dacal la ring amanung, abalu mu't Pegaralan.

Dapot sumangid na niti, dela mu king Pamag-libut,

Kena mu king balutan mu, ytang Plumang e Lalambut,

At ngeni pin ginamit me, at keca na lang Kelutcut,,

Diuang Maliap king caban mu a maluat nang Misalicut.

Cayantabe ning gulisac, ning amanung misnang Tapat,

Agyagan ding cayanacan, mibangun la at Sumulat,

Ketang Amanu Tang Sisuan, milele na king Pagsalbat,

Lulucuban ning dalumdum, pantunan yang Salat Salat.

Cayanacan Capampangan, damdaman me ing Gulisac,

Ning Amanung sasaingsing, pagdulapan ta king Pisac.

acdj 2/25/16

(Puri at pamanlalawe keng sinulat nang Bien Yabut ning Candaba)

&**********&

Amanu ning Diuang Maliap, king marangle la acapcap,

Ketang tibis capinacan, malagad mung mamicadcad,

Caring sapni nang Gallardo, meging poeta ring mayap,

Ing siwala na ning lira, damdaman yang misnang tingcad,

At macudtang Bienvenido, gugulisac yang masapsap,

Bubugnus no reng amanung, ketang bosis a malagad.

&*****&

Singsing nang Gallardo-

Ing tauling estropa, ing pacatandanan,

Mitanam king pusu, cacung paninapan,

Saingsing macudta, anting tagulaling,

guguniat, migising, pamanintun singsing.

Pagdulapan cung amanu, belangcas nang Bienvinido

Potang dudungdungan mula, asna na ca cacuswelu,

Uling amanu lang watas, pigcalaman nitang Ginu,

Namnaman mu at pilasan, alasa mung misang yumu.

&*********&

Pota palang tutua na ca, at bibilis na ing aldu,

Ing caban ning caisipan, papalual no reng amanu,

Bang keta idake mula, careng capara mung tau,

&******&

Bucas na ing Ngeni-

Bucas na ing ngeni, ketang cayanacan,

Cacu lang sininup, ketang lumang caban,

Neng mangainipan at alang gagawan,

Magmuni-muni mu at migunamgunam,

Keng sablang milyari at cacung depatan,

E ra picarine deng sapning malacuan,

Potang ala nacu, carelang tandanan.

&******&

Target line - josha

Sablang malilyari, keti babo yatu,

Yti ating sangcan, misulat king Libru,

Nung ating mapait, panayan ing yumu,

E mitatacutan, tatagan ing lub mu.

&******&

Babalican ing Milabas-

Matula cung ababalu, adidinan cu lang tula,

Deng calupa mung mamasa careng poemang maluca,

Agayang dimut mu ing belwan, mamagdulap, mica diwa,

Pagpilitan cung lalalang, bang e mate in salita,

Puge keca Esperanza, at maganacang asawa,

Pagcalaman na cung lubus nitang Dios tang mayupaya.

&******&

Paeng, calesa series

Masanting sasake, calesa nang Paeng,

Lalu neng mumuran, cacabit neyng tabing,

Agad nacung sake, tuki ke y Onding,

Neng alang manakit, carin ke mag-loving,

Yta nang Cong Paeng, sangcan e no pansing,

Ding pasaheru nang pane sasaingsing.

Pakibat nang Paeng-

Atin cu ping dimdam, balamu mesipit

King gulut luclucan, anting mamalipit,

Swala ning babae migipit ya buldit

Cang Amor nanu'y ta balamu masungkit.

&*****&

a comment...

Amanu ning Magumasid:

Almario C. de Jesus

December 13 at 11:48am ·

Matas ya at mataluctuc, ing temang kecang dinake,

At ing diwa ning Candaba, e ya cabud pemalugse;

Detang dinungdung keng poesya, keracalan macarate,

Mipasno la caisipan, kelinguan da ytang lumbe;

Ytang tulang mipaid na, miyalilan misnang tibe,

Yagyag do reng Cayanacan, saup saup lang sumese;

King Amanung misalunan, mecalinguan at milele,

Dinatang na ing panaun, pasicnangan, italacad de;

King labuad ning Capampangan, kecatamu manantabe,

Pagdulapan ya ing Sing Sing, anggang e ta magtagumpe.

acdj 12/13/16

&*************

SINGSING NANG GALLARDO

Ing tawling estropa, aral yang matimbang,

mitanam king pusu, at maging tagimpan,

saingsing macudta, anting tagulaling,

gunyat lat migising, pamanintun Singsing.

********

Pagdulapan cung amanu, belangcas nang Bienvinido,

potang dudungdungan mula, asna naca cacusuelu,

uling amanu lang watas, pig-calam ning Ginu tamu,

namnaman mu at pilasan, alasa mung misnang yumu.

******

Pota palang tutua na ca, at bibilang na cang aldu,

ing caban ning caisipan, simen mu retang amanu,

mamili cang tungal-tungal idake mula caring tau,

bang e la masayang cabud, potang mayapas ing bye mu,

detang sinese amanu, ylang lacwan keting yatu,

caring suli'ng Capampangan, a malugud king Amanu.

*****

Mutyang Capampangan, malwat pagdulapan,

bang ing budning pintor, gawang inspirasyun,

Uli nang Cupido, pitagpu't piagum

meging obra maestra, migulis king telon

ing mutya at pintor, mabibye maratun

busal ding bunga da, carelanh lelangan.

*****

KECA ELSA, king kebaitan mu

Ing buri cu sana, nung malyari mu sa,

aldung kebaitan, akit da ca Elsa,

bacung macagale, keca munye tula,

anti mung regalu, ning taung maluca,

Dapot ining bili, milipat cung dagat,

e cu cararagling, milacu, milacad,

anya kening FaceBook, canacung inagcas,

uling mal ca cacu, anti mung capatad.

Dale magsaya ca, e mu cacalinguan,

ing simba ca pa mu, king binye Nang Calam,

pasalamat Caya, ba na pang dagdagan,

daratang a aldu maging kebaitan.

acdj

******

Flowers are blooming in December,

A charm in the cold morning of winter,

remember the moments we're together

that lasted and remained till summer

and even thou you passed away,

my grieving heart now in despair

and all I do is wish and pray

that someday, we will be together

acdj.

******

[mag-edit | edit source]

Megaral at meyari yang Abogasya, king Baguio Colleges, syudad na ning Baguio at meging abogado ya ketang banuang 1965. Memakiyabe yang aguman civico at abogado Pampanga at Menila. Linipat ya Amerika uli ning maulagang sangkan at mekiabe ya keng ACADEMYA NING AMANUNG SISWAN INTERNATIONAL (Anasi) ba nang biyayan pasibayu ing pamanigaral na keng cultura. Ketang banuang 2008, tinagun at ginale poema ya keng Portland, Oregon king aldu na ning Amanung Sisuan at Pista na ning La Naval. Kanita ing Presidenti na ning United Poet Laurete International, Benjamin Yuzon sebitanan neng medalya at midinan certificu keng cagiwan na king pamamoesya. Iti meging dalan bang king Anasi, metung ya karetang mepili at mibotung maging Poeta Lauredu. Banuang 2009, inyang potungan ne at iproklamang Poeta Lauredu ning bayung Ari ning Parnasu, P.L. Renato B. Alzadon.

Uling ya pa mu ing mekilalang Poeta Lauredu a menibatan balen Apalit, Pampanga, tegulaling ne ing dangalan king balen na.

ALMARIO "amor" C. DE JESUS "Ing Agila Ning Apalit"

• • Alipan Ning Guinu

  • Academya Ning Amanung Sisuan International (Anasi)

  • United Pampanga Leaders Council, U.S.A.(UPLC)

  • Apalitenos of Southern California, U.S.A.

  • Integrated Bar of the Philippines, Pampanga Chapter

  • Rotarian, (P.P. Rotary Club of Southern Pampanga)

  • Columbian (Past Worthy Advocate K of C, Dist. 7749)

  • Awardee, Gold Medal/Certificate in Poetry, United Poet Laureate Int'l

  • Poet Laureate, Anasi, Aguman Capampangan NW U.S.A

  • Recognition Award, United Pampangan Leaders Councilk (UPLC)

  • Recognition Award, Apalitenos Of Southern California

  • Member, Collegyu Ning Poeta Lauredu ning Parnasung Capampangan

  • Member - Kapampangan Pride Group

  • Ambassador, Parnasung Capampangan

  • Recognition Award - Angeles City Association of Los Angeles, C.A. U.S.A.

  • Abe abe Kapampangan, Internet group

Ding Kayang Kinudta[mag-edit | edit source]

ALMARIO, PUGE NANG PAENG MANIAGO*

AMOR, PUGE NANG DR TONY QUIROZ**

ING AGILA NING APALIT, PUGE NANG ANDRO CAMILING***

ANYA ENA CU MULALA

ATLUNG MUTYA

BAPU BIRJEN DE LOS REMEDIOS

INYANG MATULI YA Y ADAN

MARITES M. EVANGELISTA

MATWA NA ING BILI

Pawaga at Pasalamat

PAMANGGAP GALAL

LUGUD KING MAL A INDU

ACALINGUAN? ALI DA CA

ADWANG MUTYA

ALBIN LANSANG BUAN, KP PALIKERU

PUGE NANG ANDRO CAMILING CANG AMOR

ANAC ARENAS

BANTE

ANAC NING BALAYAN

ANDRO & TESS CAMILING GOLDEN WEDDING

ANTING DUTUNG BIE NING TAU

ATLUNG TANAMAN A DUTUNG

ATLUNG TANAMAN A DUTUNG, METUNG A PUNA

URAN NENG ABAC

BAKIT DALIT CU PA

BAPU BIRJEN DE LOS REMEDIOS

CASALPANTAYANA

CAMPANTI

SANTO CRISTO DEL PERDON

ANYA ENA CU MULALA

DUTUNG NENG ABAC

Y JOSE P RIZAL

O ARTDAX A POETA

NUNG KECANG PIBULEBULE

PAMILYA QUIROZ

BASULTU NANG APUNG AMOR

B-DAY NANG PITT MUSNI

BOLERO LA DENG POETA?

BULAN NING ENERO, ABT

BUNGA AT TUBU KENG PUHUNAN

RYAN MILLARES POEM

DALIT NING DILA

DAPUG NING SINTA

DASE KETA KING MARANGLE

DITAC NAMUNG PAMAGSANE

DUMALAGANG LIGIDLIGID

E CU TINAPTINAPAN

NOLI ME TANGERE, MARIA MAGDALENA

E ME PICARINE ING CAPAMPANGAN

E NA MACALINGUAN

E RA CA BURING . ...

GAWA CATANG POESYA

JUDGE FULLEN ANICETE

ANYA E NA CU MULALA

PUGE CANG POETA HERNAN

RENATO B ALZADON, KEBAITAN

SAPATOS NANG TATANG

GIL P DAVID, BALAWE NING APALIT

GINTUNG PLUMA A PAMANA

Y MADING MEMUN NE

Y MELY G CATACUTAN

IMELDA, ANTING METUNG A SAMPAGA

INDA CALUGURAN DACA

E CA MAGMASCARA

ING ANAC ARENAS

Y MARYANN NING PORTLAND

ING ANGELES CITY ASSOCIATION AT LOS ANGELES

ING BIE

ING PISIL AT PLUMA

LUID YA ING AMANUNG SISWAN

ING DILA NING TAU

ING CANACUNG MAESTRU

INYANG MATULI YA'Y ADAN

ING BIE GOBERNADOR

ING LUGUD CU KECA

ING MANIAMAN PARA CACU

ING MAYAP AT USTUNG PAMAGLALANG

ING SAMPAGANG DAISY

ING PINTOR A POETA, MANIAGO

INSPIRADU

STORYA DE UN AMOR (PAMAGLALA)

KECA CALUGURAN (HUG CERTIFICATE)

KETA KING MARANGLE

KING KEBAITAN MU, DAN P DANGANAN

LA DULCE VITA (BISKOTE)

LARAWAN

LEGUAN

LILIBETH, LIBO-LIBUNG TULA

THERESA CAMILING GUTTIEREZ, PABANUA NA

SAN ANTONIO DE PADUA

SALUBUNGAN DACA

LUGUD

SINALIBATBAT

UPLC

LUGUD KING AMANUNG SISUAN,

WALING ANAC ARENAS

LITRATU NING MILABAS, BABALICAN

GOSO NANG SAN PEDRO

GOSO NANG SANTA LUCIA

MISAN GINALE CU

NANU ING TUTU

NUNG BALU CU MU SANA

PAMANLALANG DASE

PAMILYA QUIROZ

CANG DR ANTONIO C QUIRZ

PUGE CANG RAFAEL MANIAGO, PINTOR POETA POGI

ING LASA NING SINTA

SABOR A MI

PUNA NANG ERNIE TURLA AT RBA

NEL OCAMPO, KEBAITAN

MARITESS M EVANGELISTA

MALSINTANG PASIBAYU

MISAN GINALE CU

NAMNAMAN CO RENG AMANU

MIDINAN CUNG DIWA

MUMUNANG BALITANG

NANU YA ING BEER KENG CAPAMPANGAN

NINU CAYA YCA?

MACANANU ING MAGING POETA LAUREADU

MARSO YA ING BULAN

MASAMPAT A DIWA, DON FERNANDO

MASAYANG KEBAITAN, TANG

MATWA NA ING BILI

MEMUN NE Y CACA, ANGGING

MIBABALIC

MIDINAN CUNG DIWA

MISNANG DATUN

TILAPIA NANG ELISA

NANU YA ING INDU

PISTA NING BARYU SUCAD, SANTA LUCIA

NELSON TANEDO, KENG PAMAGLACBE MU

NUNG E CA POGI

PABANUA NA

PAKISABING MAYAP

PAMIGUNAMGUNAM

PAMAGARAL KENG LITERATURA

PAMAGSANE

PANAMDAM CAPAMPANGAN

PANENAYAN DACA

PATAWAD IN SUCAT KENG MICASALA

POTANG MATWA NA CA

O CACA O CACA, CAPITOLYU MUNTA CATA

PUGE KING DALAGANG BARYU

DANUM A MABIE

SULAT NING MELAGLAG A ANAC

JOSE A DAVID, EULOGY

DEITY OF CHRIST, HUMANITY OF JESUS

DIOS METUNG YA

CASEBIAN

PANGA ANAC MIBABALIC

GULIS NING PALAD

POTANG MATUA NACA

PAMIGUNAM-GUNAM

MISNANG DATUN

MECO AT MEMUN NE

BIE NING POETA

AMANU NING MAGUMASID

DENG TALAPAGOBRA GABUN

AMANUNG MAL DILI

KENG LEGUAN MU ATSI

KECA YOLY, ING LIGURAN MECO AT MEMUN NE

KETA KING MARANGLE

TUMWA CA SANG ATING KETWAN

DIOSA NING PANINAP, JOSHA

CHARLIE ING CACUNG INAANAC

GIAGIS NING TAGULELE

GULING ING CAPALARAN

GULIS NING PALAD

ING DALAGANG BARYU, ABT

ING MANIAMAN PARA CACU

ING YUMU NING PANALALA

ING LASA NING SINTA

MACASIMPAN YANG DELANAN

MAKISAKE CATA ABE

MIG REYNA YA Y LILY, MASANTOL

MINA, AGUMAN CAPAMPANGAN NW USA

SINTANG IRANG NA MING BYE CU

ALANG CUPAS A PACAMAL, ENDLESS LOVE

SONETONG DAPAT TANDANAN

SULAPU

AGIANG MALATI CUNG PANAS

CAMPANTE AT PAMIGUNAMGUNAM

DIWANG MALIAP

DON MANOLO

FAREWELL PL,QUERUBIN FERNANDEZ

ATSING SIMANG

ING APO NANG SIMANG

DIRIMLA NE ING GATPANAPUN

PANUGALI

TAGULELE NING MALSINTA, KECA ISABEL

TIMAWANG POEMA

PANAYAN ING SALA

NUNG KECANG PIBULEBULE

E MAMATE ING SINTA

MAGPATINGANYUD

MALSINTANG PASIBAYU

MAPANGISNAWA CUNG SALDAC

PAMANAYANG PANALANGIN

PAKIBAT KING LUGUD NING INDU

SINGSING NANG GALLARDO

TILAPIA NANG ELISA

KECA ELSA, KEBAITAN

ING CUAYAN K-PRIDE

E CU RUGU MASALAPI, DAPOT MAYAMAN CU

MUTYA NING CAPAMPANGAN

LOLITA

ALBUG

O MARIA TERESA

ARDIN NING BALEN

PaKIBAT CANG QUERUBIN FERNANDEZ

DALAGANG MALAGU, LIBBY GARCES PHOTO

NAPUN NACADUA NA

ING LEGUAN MU ATSI

BULAN NA NING MAYO,KEBAITAN

CA ENTENG, BAYANING ORTELANO

KECA DAISY, HAPPY BIRTHDAY

CRISSOTAN, PATAWAD O PARUSA KENG MICASALA

ARTICULO, PAMAMATULA DING ADWANG MATWA

PUGE O TRIBUTE CANG AVELINA OCAMPO, WHAT IS A MOTHER

PAMISULAT-MAP, ORTHOGRAPHYA NING CAPAMPANGAN

CASEBYAN

NO. TITULU NING POESYA BULONG/PAGE

1. Acalingwan ? Ali daca ?

2. Adwang Mutya, adwang Sinta

3. Alang Cupas a Pacamal/Endless Love

4. Aganaca Mu Cu

5. Albin Lansang Buan, Palikeru ning KP

6. Amanu ning Misa, VDLR

7. Amanung Casangguni IT

8. Amanung Mal Dili

9. Anac Ning Balayan

10. Anac Ning Balayan II

11. Anting Dutung Bie Ning Tau

12. Anting Dutung Bie Ning Tau II

13. Andro, Tess Camiling Golden Wedding Anniversary

14. Anya E Na Cu Mulala

15. Ardin Ning Sampaga

16. Atlung Mutya/Somewhere my Love

17. Atlung Tanaman a Dutung

18. B-Day ning Pitt Musni

19. Bakit Dalit Cu Pa

20. Bante

21. Babalican ing Milabas

22. Bapu ! Birhen de Los Remedios

23. Basultu nang Apung Amor

24. Bolero la Deng Poeta?

25. Bulan ning Enero

26. Bunga at Tubu king Puunnan

27. Ca Enteng, Bayaning Hortilano

28. Campanti

29. Canacu yang Pibulayan/Talinjaga Ning Ibpa

30. Cang Dr. Antonio C. Quiroz

31. Charlie, ing Cacung Inanac

32. Ryan Millares Poem - For My Mom

33. Ca Rafa, Salamat

34. Dalit na ning Dila

35. Dase keta king Marangle

36. Ditac namung Pamagsane

37. Diuang Maliap

38. E Ca Magmascara

39. E Mamamate ing Sinta

40. Diosa (Josha) Ning Paninap

41. Dapug Ning Sinta

42. Dumalagang Ligid-Ligid

43. E Ra Ca Buring . . . .

44. E Cu Tinaptinapan

45. E Cu Rugu Masalapi

46. E Na Macalingwan (Bernard Aguire)

47. E Me Picarine Ing Capampangan

48. Keca Elsa, king Kebaitan Mu

49. Gawa Catang Poesya

50. Giagis ning Tagulele

51. Gulis ning Palad

52. Gil P David, Ing Balawe Ning Apalit

53. Goso Nang San Pedro

54. Gulung Ning Capalaran

55. Gintung Pluma a Pamana

56. Y Mading Memun Ne

57. Y Maryann ning Portland

58. Imelda, Anting Metung a Sampaga

59. Inda Caluguran Daca

60. Ing Anac Arenas (E na mate capilan man)

61. Ing Bie

62. Ing Angeles City Association, USA

63. Ing Bie ning Gobernador

64. Ing Canacung Maestru

65. Ing Sampagang Daisy

66. Ing Dila Ning Tau

67. Ing Cuayan

68. Ing Lugud cu Keca

69. Ing Makisake

70. Ing Mayap at Ustung Pamaglalang

71. Ing Maniaman para Cacu

72. Ing Pintor a Poeta

73. Ing Pinsil at Pluma

74. Ing United Pampanga Leaders Council, USA

75. Ing Yumu ning Panalala

76. Inspiradu

77. Inyang Matuli ya'y Adan

78, Istorya de Un Amor (Pamanlala)

79. Judge Fullen Z. Anicte

80. Keta King Marangle

81. Keca Caluguran (Hug Certificate to a Friend)

82. King Kebaitan Mu, Dan P Danganan, DMD

83. King Leguan mu Atsi

84. Larawan

85. La Dolce Vita (Biskote)

86. Lugud

87. Lugud King Mal a Indu

88. Lugud King Mal a Indu I

89. Lugud king Mal a Indu II

90. Luid ca Poeta Hernan Saban

91. Litratru ning Milabas

92. Leguan

93. Luid Ya Ing Amanung Siswan

94. Macananu Ing Maging Poeta Laureadu?

95. Macasimpan yung Delanan

96. Makisake Cata Abe

97. Mang Paeng, Poeta Laureadu, Ing canacung Maestru

98. Marso ya ing Bulan

99. Maritess M Evangelista, Poetessa Laureadu

100. Masayang Aldu Kebaitan Tang

101. Matua na Ing Bili

102. Memun ne y Caca

103. Mengisnawa cung Saldac

104. Masampat a Diwa

105. Malsintang Pasibayu

106. Mibabalic

107. Mig-Reyna ya'y Lily

108. Midinan Cung Diwa

109. Misnang Datun

110. Misan Ginale Cu

111. Mina

112. Mumunang Balitang

113. Nanu ing Beer keng Capampangan

114. Namnaman Cu Reng Amanu

115. Nanu Ing Tutu

116. Nanu Pin Caya

117. Nelson Tanedo, King Pamaglacbe Mu

118. Nung Balu Cu Mu Sana

119. Nung E Ca Pogi

120. Deng Talapagobra Keng Gabun (Nucarin La Deng Sasarul)

121. Nung Nanu Ya Ing Pun (Felix Garcia, P.L.)

122. O Art a Poeta

123. O Artdax a Poeta

124. O Santo Cristo Del Perdon

125. Pabanua Na

126. Ninu Caya Ica ?

127. Pakisabing Mayap

128. Pakibat, king Lugud Ning Indu

129. Pamagaral Keng Literatura

130. Pami-Abeabe

131. Pamagsane

132. Pamanayang Panalangin

133. Pamanlalang Dase

134. Pamigunamgunam

135. Pamicalugud King Amanu

136. Abe Abe Capampangan

137. Panamdam Capampangan

138. Panenayan Daca

139. Piesta Ning Baryu Sucad (Parangal Santa Lucia)

140. Puge cang Rafael Maniago, Pintor, Poeta, Pogi Pa

141. Puge cang Marc M Mangalindan, RIP

142. Rafael D. Maniago, Keng Aldu Mung Kebaitan

143. Puge king Malagung Dalagang Baryu (Dolly Gigante Ferrer)

144. Pulosa nagn Cacang Amor

145. Renato B Alzadon, Aldu nang Kebaitan

146. Sabor a Mi (Apilasa Daca)

147. Salubungan Daca

148. Santo Anthony de Padua, Frayle at Doctor

149. Sinalibatbat

150. Sapatos Nang Tata

151. Sinta cung Dalagang Bary

152. Sonetong Dapat Tandanan

153. Sintang Irang Na Ning Bie Cu

154. Volare ( Susulapo)

155. Tagulele ning Malsinta, (cang Isabella)

156. Uran Neng Abac

157. Waling Anac Arenas

158. Y Jose P. Riza;, June 19th Kebaitan

159. Y Mely G. Catacutan

160. Dirimla ne ing Gatpanapun

161. Tumua ca sang Ating Ketwan

162. Mag-patinganyud

163. Amanu Ning Magumasid

164. Mutya Ning Capampangan

165. Pengari

166. ACDJ, Ilug ning Caladua at Lugud, Castilyu nang Jesus

167.

168.

At aliwa pa . . macasulat la ngen keng Poema ning Website

Ing Agila Ning Apalit.

*** (IBAT CARENG ALIWANG TALASULAT)

Apalit, Capampangan Page, Almario C. de Jesus

Almario deJesus <almariocdj0521@gmail.com>

To

Homer De Jesus Prospero de Jesus Carlos Dejesus Corazon Pablo

CC

almario dejesus

&*******&

Almario C. de Jesus *******

AMANUNG MALI DILI-

Ketang magaral cu'ng maging abogadu,

Amanu mung Inglish, yamu ing buri cu,

E man rugu linub, keng caisipan cu,

Ing datang ing aldu, poeta laureadu,

Obat caras keti, labuad America,

Carin cu meninap ing maging poeta,

Pegaralan cu la poesya ra reng matua,

Biblia'ng Capampangan, dindungan, memasa.

Ining bage bage a cacu miliari,

Nung pagpilitan mu, ing sabla malyari,

Nung pitutuliran sanung mal mung dili,

Amanung beitan, Oy'tang e sarili?.

Cacung atalustus, kening cacung ketuan,

Amanung mal dili, ing AMANUNG SISUAN.

acdj 9/3/2016

obby Tantingco

21 hrs ·

AMANUNG MAL DILI -

Neng Almario C. de Jesus *******

Ketang magaral cu'ng maging abogadu,

Amanu mung Inglish, yamu ing buri cu,

E man rugu linub, keng caisipan cu,

Ing datang ing aldu, poeta laureadu,

Obat caras keti, labuad America,

Carin cu meninap ing maging poeta,

Pegaralan cu la poesya ra reng matua,

Biblia'ng Capampangan, dindungan, memasa.

Ining bage bage a cacu miliari,

Nung pagpilitan mu, ing sabla malyari,

Nung pitutuliran sanung mal mung dili,

Amanung beitan, Oy'tang e sarili?.

Cacung atalustus, kening cacung ketuan,

Amanung mal dili, ing AMANUNG SISUAN.

acdj 9/3/2016

LikeShow more reactions

Comment

10 Antonio C Quiroz, Romeo Rodriguez and 8 others

Comments

Antonio C Quiroz Amor,

Ing daya mung Capampangan ibat careng indu mung malugud

ya ing minie atul at cabiasnan queca.

Anya queng nanumang salita, nanu mang cultura

magwagi at mipala ca.

Oneng ing daya mung mamagus, pinilit nang magaral cang poesia - at quing amanung mal dili queca - Coronang Laurel ing pinutung da queca. LUID CA at masaya caming mamasa careng poesia mu.

Like · Reply · 48 mins

Almario C. de Jesus Nung nucaring cu man miras keng pamanigaral culturang Capampangan lalung lalu na keng pamamalangcas cawatasan, kikilalanan cong anting utang a lub ing masanting a usuc a binye mu canita cayantabe te ing meangu na bye, Cong Noli Soriano. Dacal a salamat Cong Tony

&******&

DENG TALAPAGOBRA KENG GABUN-

(Nucaring La Deng Sasarul?)

neng Almario C, de Jesus-

E la rugu sasalicut, lalung e ra acalinguan,

Agyang ala nang paranum, sasarul la at gagambul,

Ytang pali at ing dimla, angga da nang paimburisan,

Bang ing amanu tang menan, e ya mate at masaul,

Mapalyaring diritac la, Ortelanu ketang parang,

Deng sadyang talapagobra, linaut la at mindaywan,

Pibata rang macalaut, bala mu sang manakitan,

Ba lang numawa pagcabye, ding pamilyang pacamalan.

Dapot sumangid na niti, pamag-obra king taldawa,

Paninapan dang balican, potang bucas o macadwa,

Yti e ra cacalingwan, uling pamana ring icwa,

Menibatan cang Ibpa ra, a maluat nang memayapa.

Anti murin ing Amanu, salitang pematad pusad,

Ya ing tune mung amanu, agyang noca pa mipadpad.

acdj... 9/14/16

1 Libby Garces

Comments

Libby Garces Masanting ya panga latag ing

pamag limpi karing ortelano at

ding gagambul ( tala sulat at

poeta) king Amanung Siswan.

Ing diwa ning era pami aliwa

mayaquit king lojical a versada.

Lalo yang makayama ing cudta

ketang parteng ding ortelanong

memag ' abroad' panagimpan

dang balikan ing marangle

antimu naman ing paganaka

a e dapat kalingwan ing Amanung

tune kekatamu. It' s like a

legal brief presented poetically!

Kasanting na ning cudta yung

' analogy' Atty-PL Almario C. de Jesus. Mapaling puge kekayu!

LUID po

Almario C. de Jesus ****

E macaba pangalatag ing tema na ning poema,

Ketang binutil a Pale, penagyu ke ytang tema,

Ing kecaba ning panaun, a dumalan ketang bye na,

Kilub ning metung a Horas, alang anggang pamanaya,

At nung deng sablang amanu, calingwan at milele la,

Ing Amanu cung Beitan, tuki ya kenIng Caladua,

acdj

&******&

Art Chingyan Looks like beautiful Mt. Arayat in the background?

Like · Reply · August 10, 2015 at 1:20pm

Almario C. de Jesus

******

MISNANG DATUN-

neng Almario "amor" C. de Jesus-

Detang tugac at culiglig, ylang keca magtumayla,

At mamagus ytang danum, ketang mamatucbang sapa;

Ing bunduc na ning Alaya, babatyu yang misnang saya,

Cabang yca ketang duyan, gagale cang macakera,

Cayagum mo retang Pipit ketang cantores rang siwala ,

At ing angin a manene, king catawan mu mumuma,

Pepepen na itang pali, e ca lisangan bitasa;

Alang asuc a mabuluc, O Smog a macasira,

E ca manakit saken, misusuglulu't masigla

Misnang datun ing paligid, alang mangulung bitasa,

At alang manutus keca, mamipi ca ketang batya,

Anti ya mong paraiso, ing madicut a taldawa.

acdj 10/03/16

&******&

PAMAGSALIBATBAT

Magsalibatbat ya'y Jesus, keng cruz a pisanan na,

Pilasa na ing parusa, agyang ala nemang sala,

Ing parusang macarikil, caring tau inatbus na,

Macanyan ing cayang lugud, careta nang lelangan na,

Nanu ngeni ing ablas mu, ketang masampat nang gewa,

Sisian mu ing casalanan, kilala ca't salpantaya.

acdj

&******&

CARENG ARING MESAGLAWE

Ketang cacung pamamasa, keng banal a casulatan,

caring Aring mesaglawe, buri keng dili'y Solomon,

Uling king Dios inawad na, maging ari ya sang biasa,

E ya menyad cayamanan, o sican na ning catawan,

Anya ketang matuang tipan, balita ya king cabiasnan;

At nung ing Dios dinan naca, ketang cabiasnan mung bage,

Ing yatu a lulan me, ketang binutil mung pale.

acdj

&******&

PAMAGLALA

Atatandanan cu pa, panaun ning pamaglala,

Dacal la retang dalaga, istung bengi maglame la,

Lalam bale ating papag, dacal lang miabe-abe,

Cabang ykeng baintau, ligid ligid, lelelele;

Papaturu cung Mangopa, ketang metung a dalaga,

At macanyan cung mebiasa, ditac ditac meca diga;

Anya e cu acalinguan, ing pamaglala canita,

Istorya de un amor, nitang cacung cayanacan,

Angga ngeni timan timan, potang cacung gaganacan,

Malucang bye mi king baryu, cambe ra ding caluguran.

acdj

&******&

LOIDA - BANTE

Gintu lang amanu detang inapse mu

anti lang diamante metung a modelu

dimdam keng poema cabud abalu cu

ing magbante keca ytang mal a Ginu;

Inya keni nang bye, dapat tang ganacan,

ating Mayupaya ya cabud ing sangcan

ya ing maging sulu, nanu mang dalanan,

manuala ca Caya, Ya ing caligtasan.

acdj

&******&

BULAN NING MARSO

Ing bulan ning Marso, tictac ya lisangan

careng capatad tang lupang Capampangan;

dapot istung Marso, carin da gagawan

Inuyat a macalata, a tutung manyaman;

At andat sali cu, cacung aganaca

detang pengari cung maluat nang mewala

e cu apigilan ing tumulu cu luwa

uling ing inuyat capangan neng Ima;

Palengke Apalit dacal sasaliwan

ating tamarindu a sobra linamnam

gumiling cang abias, yta nang lacatan

abe me ing gata, mayumung pinotsa,

Anya ngening Marso "a-miss" daca Ima.

acdj

&******&

SWECUS

Deng swecus canita ilang pamucpuc da,

istung magselos ya ing kecang asawa,

Anya ing madalas micaca bucul ca,

Deng diablus a swecus,pamaludse mula;

Dapot ytang Misis talagang biasa ya,

Ytang palupalu, yang gagamitan na,

Aray, Aray cu po! Swecus namu rugu,

cacu mu ipaldu, e na palupalu.

acdj

&******&

GILIAC NA ING TAGULELE

Giliac na ing tagulele, macanyan ya bye y Sisa,

Inyang panintunan nala, di Elias at ing bunso na,

Alus mewala ne isip, king dusang daralanan na,

Lilibacan de at cailian, detang taung palamara,

Ing sabla pibabatan na, tagulele gagawan na

Lipo-lipo ya king dalan, mititisud, mipapase

Lugud caring panintunan, giliac na ing tagulele.

acdj

&******&

ATSING JEANNETTE

Casanting ning poema mu, ngeni ating cung panayan,

Agyang metua nang minuban, e cu lubus manandaman;

Datang pala ing pinandit, mibabalic penibatan,

Ytang santing at ticdi na nitang kecang cayanacan.

Nung sacaling miras na'y ta, buri da cang akilala,

Maluat na cung mangainipan, bisang manakit dalaga,

A mutya ning Capampangan, ketang leguan pangawilian

Anya panayan cu namu, magbalic ing cayanancan.

acdj

&*********&

CASEBYAN

Uling ing Ubingan, ya ing penibatan,

Di Eba at Adan, mica casalanan,

Deng carelang sapni, ylang miyabuban,

Dacal lang malaram, at capirayatnan,

Yla ring micalat sablang cagutgutan,

Nung e ca mimingat , miyabe ca naman.

acdj

&******&

OBAT CAYA NANUNG SANGCAN

Obat caya nanung sangcan, inspiradu cung macanyan,

Neng deng poesya nang Melanie, canacu lang dudungdungan,

Anti waring me-gayuma, sasanting a caisipan,

Macalalang cung Bersada, ketang e cu camalayan.

acj

&******&

ING LUGUD CU KECA

Aliwang aliwa lugud ning dalaga,

lulub keng catawan, sasagid bituca,

Nung munta ya babo, lalampas king banua,

Nung keta yang dagat, peca malalam ya,

At deng amanu mung belangcas a poesya,

Anti mung concierto, nung makirandam ca,

E cu amalayan maninap cu pala,

Anyang cagising cu, penintun da na ca.

acdj

&******&

MUTYA NING CAPAMPANGAN

Macanyan ya ing dalaga a mutya ning Capampangan,

King pangimut at leguan na, tutu ya ping pangawilyan,

At tapat ya nung lulugud, king lalaking capalsintan,

Ipamingua na ing puri, agyang misan ya masintang.

Ninu ica ing cutang mu, buri da cang akilala,

Potang muli cu Pampanga, apuntalan da ca sana,

Maluat na cung magumasid, careng gagawan mung poesya,

Metung cu careng mamanga, keng galing mu O dalaga.

,

Nung agyu cong panabitan, deng aldo cacu daratang,

Bang miras ytang pinandit, ing lupa mu asirawan,

Obat e cu mipaindatun, lubus na cung mangainipan,

Macanyan ing panamdaman,ning puso cu't caisipan.

Panan mu cu, manaya ca, mutyang cacung panintunan,

Acakit cu ne ing sala, salubungan tang miagnan.

acdj

&******&

ING SABLA LILIPAS NGAN

Tutu pin ing sabla, lilipas, magisan,

Ing nanu mang bage, ating capupusan,

Dapot ding Amanu, ning Dios king Catasan,

E maliaring mate ngeni't capilan man,

Anya manalig ca, kecang pagaralan,

Careng Amanu Na,at Cayang Ca-Diosan.

acdj

&******&

LIBBY GARCES

E ke acalinguan, Indu cung ibatan,

Pigtumayla na cu king ke'yang candungan,

At agyang e tutu, madalas nang sabyan,

Nung keng santing bunso, ika ing Number Wan;

Itsura ning tau, obat manaliwa,

Manibatan anac, angga na neng tumua,

Dapot ing tandanan, at yang maulaga,

Ing biasa cang lugud, ugaling mayap pa.

acdj

&******&

LOLITA

Salamat Lolita, poesya aburi me,

Ligaya na cacu, susulat gagale,

Bang ing Capampangan, e sana milele,

Gambulan yang lubus, king sintang dalise.

Agyang nucarin pa, king yatu mipadpad,

E mu ayaliwa cule mu at balat,

At ing panamdaman, king puso migbabad,

Lugud king Amanu, bucud macasulat.

Ugaling tiru da, ding pengari tamu,

Yan ing salamin, ning pangatau mu,

King aske o kimut, abalu ring tau,

Ing metung ca palang tune Filipino.

E me pikarine, salita mung mana,

Pematad yang pusad, ketang mibait ca.

acdj

&******&

SALITANG CACUNG BEITAN

Ing Amanung Capampangan, salitang cacung beitan,

Binye na nitang Miglalang, a dapat cung pacamalan,

Agyang "naturalized" na cu, americano'ng sasabian,

Yng panga-Capampangan cu, e ya murin miyalilan,

Uling dayang manalete, caring uyat at catawan,

Ya pa murin at ing sadyang Amanung cacung ibatan,

Bayu meging Pilipino, metung na cung Capampangan,

Capampangan a daji da, ding Majarlika't Mahalan.

acdj

&******&

ALEA IACTA EST - THE DIE IS CAST

CROSSING THE RUBICON RIVER INTO ROME

WHICH IS FORBIDDEN FOR GENERALS TO

LEAD ITS ARMY.

RISKY AND DANGEROUS POINT OF NO RETURN.

UBI DIVISIO IBI PECATUUM (WHERE THERE IS DEVISION

THERE IS SIN) Nung ating pamsagsagan/cagutcutan, ating Sala/Casalanan.

CATHOLIC - from the Greek tern "Kata Halos" (according to the whole)Universal

Every Good comes from God, reflects God and leads back to God and therefore

all value is summed up in the celebration of the Liturgy, the Supreme Act by which

we commune to God.

&*********&

ALBUG

Macalunus-lunus bye rang daralanan,

Detang cabaryu cung, ngeni lacwan dasan,

Ing bagyu at albug, balang banua datang,

Anya menga-bitas deng tabun keng dala.

Mabilug a baryo, miyalbugan na ngan,

Malalam ing danum. ala cang dalanan,

Detang e mig-bacwit, keta lang bubungan,

A manayang Ration. bang ating apangan.

Detang Politicu agad la mung datang,

Magdalang delata, abias at pamangan,

At agyang maburac, e ra na pinsingan,

Ba lang maging Pogi, bida neng alalan.

Ing Uran keng tau, talagang cailangan,

Dapot potang siam-siam, mica albug naman.

acdj

&******&

PAKIBAT, king Lugud ning Indu-

Almario "amor" Castillo de Jesus-

(Espiritu, Ilug, Lugud ning Castilyu nang Jesus)

Deng Amanu sasanting la, nung menibat la keng Pusu,

Lalu nung ing pisasabian, lugud ta king mal a Indu,

Agyang e ca pa poeta, o sadiang ditac mu Balu,

Macalalang cang Poema, uling manyabi cang Tutu.

Keng panamdaman ning Pusu, ity ala cang Caparis,

At e mu basta alele, paimburisan mung Unabis,

Deng amanu ning lugud mu, piniling Pecamalinis,

Idaun mula cang Indu mu, panlalaweng sari Lambis.

E cu balu nung "talent" pin, ing bunga ning Caisipan,

O sadyang meging calma cu, a binye na ning Miglalang,

Mebiasa cu ping sinulat, agyang dimut mu ing Belwan,

At ing Amanung Beitan, Mal ya cacu Capilan man.

Matula cu mekibat ca, at yan e dapat Cailyan.

Lalu nung pawang catutuan, itang kecang buring Sabian.

acdj Feb 10, 2016

&******&

DAPUG NING SINTA

Neng Almario "amor" C. de Jesus

Mitatau ya ing dapug, ketang lalam na ning mangga

Sasalaban alang binit, bayang malaus mamunga,

Ing dutung a masisilab, asna calwat mibabaya,

Ytang asuc at ing pali, deng sampaga ipaltu da.

At deta nang mipalsinta, mitatagpu lele mangga

Milalablab ing panandam ning balang metung carela

At agyang micacalucu itang dapug king siping da

Ing carelang pamicaul, ya ing pali ning sinta ra.

At deta nang pacabatyu, minaus la ping bomberu,

Uling masna na pin dagul, ing dapug a ababatyu,

at agad no mang dinatang ding bomberong inaus da

Dapot deti mengasdan la, ketang asuc lalam mangga.

Inyang mate na ing silab, pati asuc mipaid na,

Lintu la ring mipalsinta, timan timan, "maca-bomba"

&********&

ING BIE,

Neng Almario "amor" C. de Jesus

Iniang ica ing mibait, ing kiac mu asna na sican,

Ding macapadurut keca, matula la't timan timan;

Samasan mu sa ing bie mu, uling potang icang mate

Deng taung macapadurut, kikiac, malungcut la aske.

Uling ing bie na ning tau, anting luwang mebalbal perlas

O bulung na ning tanaman, mapapanat malalagas,

Sasabian da mitacda na, nung capilan ca mibait,

Anti murin itang horas, ing inawa mu masaclit,

Ing maulga king tau, nanu mu itang depat na

Pilatan ning panga-bait at itang tauling singap na,

E ca lalawe itsura, pota mapi-rayat camu.

E mu lalun ing pibandian, uling iti lacwan ta mu,

Nung lalun na ca ning tau, sana patimanan na ca,

Uling keng metung a timan, sumala ing dulum keca.

&******&

ISTORYA DE UN AMOR (PAMANLALA)

Neng Almario "amor" C. de Jesus

Nung atatandanan mu pa, mag-babaintau cata,

Deng dalaga ketang baryu, maglame la pang lalala,

Lalam bale ating papag, masaya lang abe abe,

Cabang itang baintau, ligid ligid lele lele.

Macanyan tang mamag lolo, paralan ta na keng lawe.

Sangcan ta mung papaturu, pabulung bulung manene,

Anya naman ditac ditac, mebiasa cung diga diga

Calabas ning paru-minggu, tinangu ne ing dalaga,

E mu itang pamanlala ing abulu cu canita.

Itang pihican cung pusu, migising ya at milsinta,

Ing Istorya de un Amor, nitang cacung cayanacan

Angga ngeni timan timan, potang cacung babalicdan.

Inyang misan minuli cu, migpasyal cu king baryu mi,

Ala nang lalalang cupya, at maglame istung bengi,

Deng bayung tubung dalaga, alus memandaywan na la,

Pamanlalang keragulan, licwan da na at ala na.

&******&

O MARIA TERESA

O Maria Teresa ning balen a Sasmuan,

Ing dapat mu ngeni, tutung pangawilyan,

Central Luzon Daily, keca ya ping liban,

Caibat mu king Radiong Indung Capampangan.

Mipaala ca sana, keng kecang gagawan,

at e ca sasawa, keca yang lingapan,

Ing amanung siswan, tune mung liguran

maki-abe cami, kecang caluguran.

Deng atyu keng KP, ngeni alben mula

Dacal nong susulat, pati na poema,

Ena binang lumwat, dacal lang poeta

Talacad, papaldac, babo ning gloryeta,

Anya ngeni pamu, palacpacan tala.

Lugud king Amanung Siswan,

Anti yang patac ning uran,

Pasagiwa keng tanaman,

ba yang mamungang manyaman.

acdj

&******

PABANUA NA

Malwat na cung batyu batyu, ketang awang ning parnasu,

Panayan cu ing panyatang, nitang gagalang cung maestru,

Kilub ning pabanuang wewe, linaoat ya at mindaywan,

Ing silid na king parnasu, babanten ke't lilinisan.

At ngeni pin mibalic ne, anti ya mung balik-bayan,

Magdala yang pasalubung, king parnasu ne yayampang,

Agad agad sinabit de, ketang dingding bayang lawan,

At dacal lang mecaburi, agad da neng pecyapusan.

Anting alagad ning sining, aliwa ing discarte mu,

Balang manibatan keca, ora maestra ing lawe cu,

E mu king gulis ketang telon, mayaykit tenacan mu,

Detang litratung lalang mu, collections lang e mu nanu.

Deng poema keng Amanu, at lugud a pepakit mu

Cawatasang pangawilyan, diwang poeta laureadu,

Neng yapse me ing amanu, at damdaman na ning Yatu,

Migising lang Capampangan, luguran de ing amanu,

Mag biba la reng abe mu, ketang ikwa mung dangalan,

Mekilala ca keng MOCA at labuad ning Capampangan,

Detang ginulis mung Obra, litratu ding mamuntucan,

Capitulyo ning Pampanga, mayayakit la't angngaan.

Anya ngeni king Parnasu, dagdagan la reng paskil mu,

Neng mitais na cang ustu, yang pambihirang pluma mu,

Uling dening bayung suli bisang magaral amanu,

E mo sa paimburisan, ydake mula keng balu mu.

acdj 1/15/2011

&********&

Paeng Calesa series:

Masanting sasake, calesa nang Paeng,

Lalu neng mumuran, didinan neng tabing,

Agad na cung sake, tuki ke y Onding,

Neng alang manakit, carin ke "mag-loving",

Yta nang mang Paeng, sangcan e na pansing,

Ding pasaheru na, pane ing saingsing.

Pakibat nang Paeng:

atin cu ping dimdam, balamu mesipit,

King gulut luclucan, anting mamalipit,

Swala ning babaing, megipit a buldit,

Kang Amor nanu'yta? balamu mesungkit.

&******&

BABALICAN ING MILABAS-

Matula cung ababalu, adidinan da cung tula,

Deng calupa mung mamasa, keng poema cung maluca,

Agyang dimut cu mu belwan, mamagduaap mica diwa,

Pagpilitan cung lalalang, bang e mate ing Salita,

Puge keca Esperanza, at Reginald mung asawa,

Pagcalaman na casang lubus, nitang mal tang Mayupa.

acdj

&******&

Josha - tangent line-

Sablang maliliari, keti babo yatu,

yti ating sangcan, misulat king libru,

Nung ating mapait, at lasang mayumu,

E mitatacutan, tatagan ing lub mu.

&******&

BACAS NA NING NAPUN-

Bacas na ning napun, ketang cayanacan,

Ketang lumang Caban carin co sinimpan;

Neng mangainipan at alang gagawan,

At miguni-guni, o migunam-gunam,

Madalas ibuclat ke, ytang cacung caban;

Madalas buclat ke ining cacung Caban;

Ytang macalulan, e pu capangayan,

E ra picarine deta nang melacwan,

Potang ala nacu, carelang tandanan,

At masanting tucyan, bacas ning delanan.

acdj

&*******&

DIWANG MALIAP-

Amanu ning diwang maliap, king marangle la acapcap,

Caring bucu ning sampagang malagad mung mamucadcad,

At ding sapni nang Gallardo, meging poeta ring mayap,

Ing siwala ning lyra da, damdaman mung misnang tincad,

Ing poetang Bienvinido, gugulisac a masapsap,

Gagale no ding amanu, ketang bosis nang malagad.

acdj

&******&

UGALI NING TAU-

Ing ugali na ning tau, nung buri mung pakibalwan,

Nung tutung marawac ya, alang cule "caplastican"?

Alban mung masalese,ninung cayang caluguran,

At canita mu abalu, nung dapat yang pacyabayan.

acdj

&******&

DING ADWANG MICALUGURAN-

Micaluguran la wari? Pareu ing panugali?

Tangung basti ing balu ra, ba mung agad micawani?

"Caplastican" ing gagawan, nung e mu la pa asuri,

E la tune caluguran, mabibye lang salwac sabi,

Nung mantun cang pacyabayan, samasan mu sang mamili,

Manginlag ca careng tau, ing lawe da mu salapi,

Mayap ya pang pacyabayan, itang mababa mu uri,

E ya bisang mamirayat, agyang dimut ya mu bili;

Potang miyabeyabe la mu, carin la micacaluguran,

Istung micacawani la, luntu na ing capanyiran,

Obat inaus do cayang, ding adwang micaluguran?

Nung ing dapat da marawac, at pane kng cagutgutan.

acj

&******&

FOREVER IN MY HEART-,

Casanting a tema, nung gawa cang poesya,

Mangasampat a amanu, sasalicsic king caladwa,

Ing bucas a meging ngeni, O napun a nacadua na,

King pandurut na ning yatu, sablang malyari buri Na,

Nitang Dios tang Mayupaya, manucnangan caring banua,

At carin tangan mumuli, nung pantunan mu ing gloria.

acdj

&******&

KEBAITAN-

Salamat cang Simang, keng kecang ganaca,

Ing kebaitan cu, kecang aganaca,

Metung ca caretang cacu minye tula,

At ing aldu'ng aini, mitmu ya keng saya,

Sana pin dacal pa, ing datang a banua,

At lulwat pang ditac, ing pamisabi ta,

Bayu cata muli, ketang carinan Na,

Ning Mayupayang Dios malugud kecata.

acdj

&******&

ROLLY MALIT-

Mibait ya ing poeta, Rolando Malit lagyu na,

Sinimpan nang cawatasan, ketang caban lulwal na la,

King sipag nang pamagsane, matalustus yang mebiasa,

Macatuclu ne keng Sucad, deng Bersu na macarima,

Ding poemang lelangan na, lultu no yumu at lasa,

Macabye lang capasnawan, kening pusu at caladwa,

Anya Rolly samasan mu, tutucnang ali ca sana,

Ati ke cagulutan mu, mamantabe'ng anting sadya.

acdj

&******&

DE JESUS SIBLINGS-

Riches and Wealth they have none

Excep the love they left behind

And together we are bound

Here on earth and far beyound;

It is the tie that we all know

That guide us all and as we grow

Ticker than blood we swear as Vow.

&*****&

MERAGUL MARANGLE -

Ing meragul king marangle, lugud yang tune dalise,

King babaing palsintan na, capilan man e paglibe,

Ala yang tacut mamarap, keng Leon man o keng Tigre,

Anya e cu bisu-bisu, amunan me't maki-pate,

Uling e na atrasan, e ya biasang mangupete.

acdj

&******&

ASKE'T ITSURA -

E na micandayu ing aske't itsura,

Ababacas mu pa, leguan a tagle na,

At sadlung malagu ing panugali na,

king Dios parang tau, lugud na carela.

acdj

&******&

PENGARI -

Deng cacung pengari, di Andi at Rosa,

Pami-abeng lugud, kecami licwan da,

Labi laping metung deng meging anac da,

Ing pamicalugud licwan dang pamana,

Anya o penganac, sucat mung ganacan,

Ing pibabata ra, lacsang casakitan,

Ngening ala na la,meging cayablasan,

Ing pamicalugud, e sa cacalinguan,

acdj

&********&

SALAMAT O MILA -

Salamat O Mila at kesantingan ca,

Agyang dimut yamu ining cacung poesya,

Mesaya cung tutu, lalalang poema,

Pagal e mesayang, potang damdaman la

Saya da at tula, ketang abasa ra,

At nung ating Aral, tandanan ye sana.

acdj

&*****&

SINTA -

Ing tau king sinta anya mibait ya,

Sintang penamdaman, yang keragulan na,

Amuyut ning Sinta, cailangan tucyan ya,

Tula at ligaya nung tumud ya sinta,

Sinta king amanu, lultu yang aliwa,

Diwang penibatan, king pusu't caladwa.

acdj

&*****&

GASGAS -

Tutuntunan ke ing gasgas / tucyan cu reng minuna na,

Acakit co retang bacas / ketang gasgas maca marca,

Anti cung malating panas / a tuki tuki ketang linya,

Alang pagal maki-labas / alang sawang maigobra,

Ing sablang diwa't sicanan, canacu yang gagamitan,

Bang dasnan ya ing Parnasu, ning poetang Capampangan.

acdj

&******&

PANAS-

Neng Almario "amor" C. de Jesus-

Keng kecang cagiwan, poemang melalang,

Maluca ing lawe, e pagcasakitan

Neng babasan cula, pilit talintingan

Bersung macarima, gintung cawatasan,

Mengari lang bunga, king impun tanaman,

Ing yumu ra't lasa, tictac king linamnam;

Nung malyari sana, e na la magisan,

Gawan lang pamangan, pusu't caisipan;

E cu pu I P L, bisa cung gagale,

Gugulis, susulat, agyang keng cung lele,

Masayang manalbe, caretang gagale

At lulungcut naman neng ating mipate.

Panas cung malati, gugusal, sesese,

Bang amanung mana, e langi at mate.

acdj

&******&

On Saturday, January 23, 2016 3:36 PM, Antonio Quiroz <acquiroz@aol.com> wrote:

Hybrid is the trend and the reality in the Philippines. There is something to love in purity but I do not think the Bayung tubu will miss the amanung quetuan uling queraclan ero pa dimdam o abasa. So, yes, I am excited to be the first one to read this poem and will tell you that it becomes melodic with your innovation. One suggestion: siguru "my love for you, te quiero" pairs with "ing Lugud cu keca"

Spelling: solamente. TQ

Sent from my iPad

On Jan 23, 2016, at 2:23 PM, almario dejesus <almariocdj@yahoo.com> wrote:

Cong Tony, you are the first person to read this poem which I am holding in abeyance. As a poet and advocate of Capampangan survival, I have some reservations whether it is proper to write in this manner (Hybrid Poems) for fear that others will be influenced and a trend will follow, to the prejudice of Capampangan advocacy. May I have your thoughts on the matter.? Holding posting and sharing the poem to others.

SINTANG IRANG NA NING BYE CU. . . .

neng Almario "amor" C. de Jesus

GANACAN MU CU SA, potang memun nacu,

mitacpan nang belo, king panlalawe mu,

masayang pinandit, king duyan migyuyu,

keca lang isimpan, king caban ning pusu,

REMEMBER, tandanan, I will always love you !

CALUGURAN DACA, busal ning cabengian,

cayabe ring batuin at maslag a bulan,

sablang acakit mu king capaligiran,

ylang meging sacsi, ning sumpa cu Irang,

YO TE AMO MI AMOR, alang cayangganan !

ING LUGUD CU KECA, ting saslag a aldu,

babo ra deng bunduc, ume neng tatandu,

Keng dala nang paling, isalbag na king yatu,

ot e man merimla, pali ning lugud cu,

MY LOVE FOR YOU, TE QUIERO yan ing tandanan mu !

SANA GANACAN MU, neng paldas ne'ing bengi,

at mitda ne sala, ining bye cu bandi,

lubus menajimic, ala nang asabi,

e na la marandam, poesyang macawili.

SOLAMENTE UNA VEZ, ycang mal cung dili.

TUNOG NANG KAMPANA, anting tagulele,

panangis ning pusu, a keca miwale,

neng magdilidili at mibulebule

paninapan mu sang, banua acayabe;

DREAM WHEN YOU'RE FEELING BLUE, dream that it may come true.

I'M ALWAYS THERE WITH YOU, e cu aparandam,

daramayan da ca , sakit ning panamdam,

potang mapupus ne , ytang bye mung indam,

Panalangin mu sang, midinan cang Calam;

PRECIOUS GIFT OF MY LIFE, mal cung sintang Irang !

by:

Almario "amor" C. de Jesus

acdj 1/10/2016.

(Dedicated to my departed cousin and friend, Ernesto M. de Jesus, as an expression of Ernesto's everlating love to his wife, Yolanda).

Almario "Amor" C. de Jesus-

ALANG CUPAS A PACAMAL, - ENDLESS LOVE

GANACAN MU CU SA, potang Memun nacu,

mitacpan nang belo, king Panlalawe mu,

masayang pinandit, king duyan Migyuyu,

keca lang isimpan, king caban ning Pusu,

REMEMBER, tandanan, I will always love You !

CALUGURAN DACA, busal ning Cabengian,

cayabe ring batuin at maslag a Bulan,

sablang acakit mu king Capaligiran,

ylang meging sacsi, ning sumpa cu Irang,

YO TE AMO MI AMOR, alang Cayangganan !

ING LUGUD CU KECA, ting saslag a Aldu,

babo ra deng bunduc, ume neng Tatandu,

Keng dala nang paling, isalbag na king Yatu,

ot e man merimla, pali ning Lugud cu,

I NEED YOU, TE QUIERO , yan ing Tandanan mu !

KECANG TALINGTINGAN, neng paldas ne'ing Bengi,

at mitda ne sala, ining bye cu Bandi,

lubus menajimic, ala nang Asabi,

e na la marandam, poesyang Macawili.

SOLAMENTE UNA VEZ, ycang mal cung Dili.

TUNOG NANG BATINGAW, anting Tagulele,

panangis ning pusu, neng keca Miwale,

nung magdilidili at Mibulebule

paninapan mu sang, banua Acayabe;

DREAM WHEN YOU'R FEELING BLUE, dream that it may come True.

I'M ALWAYS THERE WITH YOU, e cu Aparandam,

daramayan da ca , sakit ning Panamdam,

potang mapupus ne , ytang bye mung Indam,

Panalangin mu sang, midinan cang Apalitenos of So. California, USAam;

PRECIOUS GIFT OF MY LIFE, king pusu Mitanam !

acdj-1/10/2016.

&********&

March 7

Almario C. de Jesus *****

Ardin na ning Balen

neng Simang Leyson-

Mibait at meragul cu, king balen ning Macabebe,

Busal da retang tanaman, at libutad ning Marangle,

Migsicap la reng matua cu, telacad de itang Bale,

Anti ya waring palasyu, masaya caming Mabibye.

Dacal la reng mamanican, mag-harana neng Cabengian,

At matula cung mamarap, macuswelung Makirandam,

Anti cu waring sampaga, a buri dang Pisamsaman,

Mengaring malamarine, asna selan nung Tagilan.

Balen na ning Macabebe, ating ardin ding Sampaga,

at miyaliwang tanaman, akit mu king paligid na,

Ating Rosal, Sampaguita, macayama ing banglu da,

Anya dacal lang bubuyug, limpad limpad la carela.

Anya pecaingatan mi, e masira ytang Puri,

Ing nectar na ning dalaga, pacaingatan yang Dili.

acdj. 1/23/2016

LikeShow more reactions

CommentShare

12Renato Alzadon, Elysian Tulang Liham and 10 others

1 Comment

1 share

Comments

Libby Garces Marikit a poemang maglaman bersung ubod kayumu at katimyas. Atin malabung ' imagery'

a magpatingkad king alegorikang

paralan bie dalaga at ding baintaung malsinta- ing ardin. sampaga at bubuyog-

Papuri at matas a pagpuge kang

mabunying Atty-PL Almario C. de Jesus ! LUID KAYU

&********&

March 12, 2013 · Los Angeles, CA ·

MASAMPAT A DIWA (Don Fernando)

Puge neng Almario "amor" C. de Jesus

Don Fernandong Archetectu, gulis mung misnang deretsu,

Agyang careta nang Bersu, ing diwa mu susulagpu,

Malaut man itang bili, nu ya man danggut ning yatu,

Potang king Amanung Siswan, susulat yang inspiradu.

Anya abe king Aguman, paciapusan ya'y Fernando,

A Capampangan a tune, pagmaragul tamung tau,

E ya biasang mangalingwan, ketang cayang penibatan,

Detang taung mal pin caya, misimpan king caisipan.

Ing mangga e mamulaclac, nung e me salaban mayap

Nung ali ing mapaliari, mamutat yang misnang salpac,

Ing Amanung Capampangan, calupa re deng tanaman,

Gambulan me at diligan, bayang mamungang manyaman.

Uling nung macalingwan ne, amanu tamung beitan,

Nanu pa'ing cabaldugan na, kecang panga Capampangan?

E wari sasamban taya, Dios linalang keca tamu. . .

Anya dapat luguran ya, itang binie nang Amanu.

Luid ca Don Fernando Garcia, king lingap mu king Salita,

Anya naman matula cu, tinggap mu cung cakilala,

E ca sasawang susulat, madalas cang mamicudta,

Idake talang Cayanacan, ketang masampat mung diwa.

LikeShow more reactions

CommentShare

5Jaime J. Pangan, Louie Uy and 3 others

1 Comment

1 share

Comments

Libby Garces Kawili wili yang babasan ining poemang tiktak karikit. Bersung

manayun at perpektung balangkas. Matas a papuri at mapaling pagpuge kekayu

mabunying Atty-PL Amor Almario C. de Jesus. Luid Kayu

&******&

aLmario C. de Jesus to Josha de Leon

April 20 ·

KING LEGUAN MU ATSI,

Almario "amor" C. de Jesus-

Keng leguan mu Atsi, mengatulala la,

Aduang baintau, a maglolo keca,

Anya e ra balu nung nanung sabian da,

Lawe't timan, timan , anti na mung diga,

Dapot macanyan man, e ca sa magduda,

Ing lugud da keca, sasagid king banua.

Casakit na pala, ning malsintang tapat,

Carap meng babai, labi mipapacat,

Ing palual ning asbuc, obat mica-cabat,

Potang migulut ca carin ca magsalbat,

Dugdugan meng lande, saca na magcasat,

Caretang manakit, anti ca mong berat.

Lagu ning dalaga, tutung pangawilyan,

Mag-piesta ya'ing mata, ketang pagumasdan,

Tatatap ya'ing salu, kecang pipigilan,

Ing nasang uman me at saca pangaulan,

Lupa na at batal, keca lang aplusan,

Dalagang malagu a kecang palsintan.

acdj 4/6/16

LikeShow more reactions

CommentShare

25John S. Manalili, Ernie Turla and 23 others

Comments

Grace Pinlac Datu · 2 mutual friends

Wow

Like · Reply · April 20 at 5:10pm

Josha de Leon Salamat pu King poesya ca Almario C. de Jesus

Like · Reply · April 20 at 5:17pm

Write a reply...

Almario C. de Jesus Josha de Leon

People

almario dejesus <almariocdj@yahoo.com>

To Ernie Turla

Today at 5:46 PM

During the time of the late Mr. Mangalindan and before Ms. Hizon became a politician, Ms. de Leon was an active member of Kapampangan Pride and has published a number of poems which I have read. She requested me to give her a certification of membership but I am not a President of any Capampangan Org. dealing with literary or historical subjects. I took the liberty of giving your name as the founder of Kapampangan Pride and President of Anasi. I will appreciate if we can help her on this matter.

Thank you Sir.

amor

&******&

(Puge/tribute cang Querubin Fernandez, P.L._

AGYANG MALATI CUNG PANAS-

- neng Almario "amor" C. de Jesus

*

Agyang malati cung panas, salamat apansingan yu,

Ing manigaral susulat, king beitan tang Amanu,

At agyamang mipadpad cu, aliwang danggut ning Yatu,

E menaliwa'ng Panamdam, keng panga-Capampangan cu,

**

Kening labuad America, keni pilit pegaralan,

Detang poesyang Capampangan at aliwang cawatasan,

Uling malagad mung tutu, ing muli cung "balikbayan",

Bang acatagpu co sana, deng poetang Capampangan.

***

Dingdungan ke itang libru, pepasali cu C. K. S,

Katipunan piling poesya, BAKAS PANAS nang Fernandez,

Masanting la panga-sulat, maca rima at bersada,

Minye cacung causucan, cararagli cung mebiasa.

****

Anya naman king Oregon, at aldo na ning Pampanga,

Mecumbira cung gumale, anting metung nang Poeta,

Apansingan ning ANASI, ing Ari at aliwa pa,

Inabe ra king Aguman at midinan pang Medalya,

*****

Mapiang Querubin Fernandez, metung careng menimuna,

Tinuntun canitang gasgas, meging dalan ning Alaya,

Bengi't aldu alang sawa, cawatasan lalalang la,

Maging gintu rang Pamana caring anac a lacwan da.

******

Agyang memun ne'y Querubin, e ta dapat cacalingwan,

Ketang dapat nang masampat, lugud Amanung siswan,

Ginugul na itang bye na, pamanyulat Cawatasan,

Uling balu nang e mate, ing amanung CAPAMPANGAN.

ACDJ

04/26/2016

LikeShow more reactions

Comment

3Flordeliz Pangan, Bert Pangan and Cesar Sigua

Comments

Bert Pangan Sobra naman lalam Pisan

Like · Reply · April 26 at 8:37pm

Almario C. de Jesus Nung sane ca keng mababo, ngeni misasane na ca keng malalam.

Like · Reply · April 26 at 9:00pm

Bert Pangan Poeta ka pin Pisan. Lalalam naku pin balu

Like · Reply · April 26 at 9:23pm

Almario C. de Jesus ****

Ot e mu subucan, gawang cawatasan

Dacal ca delanan, matas pegaralan,

Malalam ca balu, nung kecang pilitan,

Dapat meng calcalan, itang kecang caban,

At keca lang palual, belwan a misimpan,

Canita dacal lang keca makinabang.

&******&

For our Idol, PL Querubin Fernandez

Libby Garces to Pamag-aral King Literaturang Kapampangan

April 26 ·

FAREWELL, PL Querubin Fernandez, Jr.

Though you left us, O Eloquent One,

In tears and inconsolable grief,

We believe in our hearts,

God had placed you in a better realm.

Those you have touched with your

unselfish patronage and kindness,

Have only the best words and

unbridled adulation.

Your literary works are a source

of pride of the Parnasung Capampangan

For they reflect the noblest thoughts

and aspirations of the Capampangan

nation.

You, who had been gifted the skill

to wield the golden en

May lie at rest..

.

But the new, blossoming breed

of poets and writers,

Whom you have inspired and

motivated with your guidance

and patience..

And all your loved ones, colleagues

and friends..

Have only these words to say,.

Poet Laureate Querubin Fernandez,

You may be gone from our sight

But you are forever in our hearts

and mind!

-------------------------------------------------

A free verse and a

humble tribute to QF,Jr.

/lfg

San Diego

California

4/26/2016

LikeShow more reactions

Comment

Share

6You, Libby Garces, Elysian Tulang Liham and 3 others

Comments

Almario C. de Jesus *****A Capampangan Version-

FAREWELL, P.L. QUERUBIN FERNANDEZ,-

(by: Libby Garces)

PAMUN, QUERUBIN FERNANDEZ, P.L.-

(Kepampanganan neng Almario C. de Jesus-

Bista ma't mecu ca, o mapiang poeta,

Cambe na ning lugud, ning pagmalun at Lua,

Kilub na ning pusu, tutu keng manwala,

Mayap a Carinan, ning Dios ca Mipala.

Bye mu keting Yatu, dacal ca lingapan,

E migcucunwari, sinaup cang miuman,

Masampat a usuc, mitmung catapatan,

Ing kecang depatan, careng mangailangan.

Belangcas mung Obra, cawatasang tune,

Dangal ning Parnasu, yan ing Panlalawe,

Uling mayayakit, diwang misnang tibe

Diwa ra't tagimpan ding Dajing e mate.

Itang gintung pluma, regalu Na keca,

Keng kecang carinan, abe meng painawa,

Deng bayung sisisbul, talasulat a poeta,

King turu mu't usuc, ya ngening tucyan da.

Kecang Caluguran, at deng talatuki,

Lugud at paggalang, bucud mung asabi,

Tutu pin Meco ca, mipanpan kecami,

Pusu't caisipan, ati ca kecami.

acdj - 4/26/2016

Like · Reply · 3 · April 26 at 7:53pm · Edited

Libby Garces PL Almario C. de Jesus, Eureka!

Ikit ke finally! Salamat kekayu and

I'm still reading and digesting it!

Salud!

Like · Reply · April 26 at 8:08pm

Write a reply...

Libby Garces Bilang Capampangan, manyalutsut

king puso ding amanu uling

makatanam ing karelang kabaldugan. Buri ke ining Capampangan bersyon! Kung

igale ya, lalu lang lunto kasampat

ding bersu! Pwede yang 'Eulogy'.

Dakal a salamat kekayu Atty-PL

Almario C. de Jesus kening

kawatasang puge king memorya

ng PL Querubin Fernandez.LUID.

&*****&