ANDRO1 AND TESS2 CAMILING GOLDEN WEDDING ANNIVERSARY
Puge nang Almario "amor" C. de Jesus
Ing ISTORYA DE UN AMOR, di Andro at Teresita
King Guagua National College, megumpisa ing Nobela
Teresitang tubu Lubao, magaral yang maging Maestra
Alejandro ning Apalit at San Fernando syudad pa
Commersyu ing apili nang pagaralan a carera;
King GNC ilang adwa, carin la pin mikilala.
Y Teresita Zuniga, malagung Musa canita
Ytang pihican nang pusu, carin migising ing Sinta
At ita nang Alejandro, cabud panakit na caya
Anti ya mung megayuma, milsintang alang capara,
King GNC, mipaglolo, di Andro at Teresita,
At minuli keng Casalan, 1963 ing banwa,
King yumu ning pamicalugud, at agad lang mica-bunga,
Banwang 1969, mindaywan la California.
Masalese meging bie ra, deng anac memagaral la
Tiglus nang Tess pamanuru, at ngeni migretiru ya
At ketang galing nang Andro, mig CPA California
Metanggap ya king USC, Finance Director ya obra.
Detang Apat a anac da, miyari la ngan USC
Y Theresa a pangane, field director ning HUD
Ador a pangadwa naman, maging Doctor of Dentistry
Alain pangatlung tutuki, Contract Officer, CIT
Ing Bunsung Leanne Marie, ticyan na tang cang Inda na
Meging Public School Teacher dangalan na ning Pamilya.
Careng apat a anac da, mal a meging puhunan da,
Detang apu o deng tubu, pitu ngeni ing bilang da
At agya mang dirimla na, ing gatpanapun ning bie ra
Pali ning pamicalugud, e matatda, e meluma
At ing era cacalingwan, lugud da king Mayupa
At pama-caparang tawu, dadame at sasaup la.
Caibat na ning pamagsaya, aldu ning Annibersaryu
Panayan nang Alejandro, parandam nang pasibayu
Cang Teresitang sinta na, ing e ya pa pin mig-bayu
Ala yang cupas panamdam, anti ya mung baintau.
NO OTHER LOVE, nganang Andro, cang sinta nang Teresita,
ENDLESS LOVE nang Teresita, at saca timan timan ya.
Kening bie cu nganang Andro, ala nang aliwang Sinta
Ala cung balung ligaya, panamdam nang Teresita
Nung ala ca king siping cu, alang lugud, alang tula.
At uling Semana Santa, deting adwa mangiling la
Paninapan dang “Honeymoon” milele at pibatan da,
At keng Aldo ning Subling Mie, ibalus da ing ISTORYA.
1Author, Andro’s Capampangan Page
2Contributor/Research, Andro’s Capampangan Page
"Babye cu ing puge kecayung adwa, Tess at Andro,
HAPPY 50TH WEDDING ANNIVERSARY...
Acdj March 30, 2013, California, USA