Ing Sampagang Daisy

ING SAMPAGANG DAISY

Neng Almario C. de Jesus (Ing Aguila Ning Apalit)

D- eng sampaga ketang ardin macayama lang lalawan

mamili cang tunggal tunggal at dalan mu ketang altar,

Ing samyu at banglu da macabye lang capasnawan

Lalu na nung ytang lumbe madalas na cang dalawan.

A- gyang nanu pa ing lungcut ystong abe ke y Daisy

Itang tula e mamacu at anacu cacuswelu

Alang sawang mag-istorya, alos mangapakayli cu

Uling eya cagisanan at dacal ya balung cwentu.

I- stung alayu siping cu, at neng magdilidili cu

alang cule ing paligid, paldas ngan ing sabla cacu,

Ena cu bisang talacad, ing pamangan kelingwan cu

keta nu cu king "computer" ding oras bibilangan cu.

S- aguli na ining bie cu, ume paralum ne ing bulan

at detang tawling penandit tula na lang panandaman

Ylang gunamgunaman cu at manyaman cung isipan

Potang miras na canacu itang tacdang caorasan.

Y- ng lingap at tune lugud a pepakit mu canacu

Ya itang pabacal mu dalan king pamaglacbe cu

Nung sacaling miras ita eca lulungcut bandi cu

Eca sana micacunung lugud capang pasibayu.

Uling ing Dios mantabe ya, iti pacapangadi ta

Dinan naca pang ligaya, king lugud ibie na keca.

At nung king isip dumalan ytang mecu mung liguran

Siclud naca ‘t manalangin tajimic ne king carinan

Norwalk, Ca. U.S.A.

Daisy Torres de Jesus, BSE, BSEEd, Sta. Scolastica

»Pakiramdaman yu ing audio file (Ing Sampagang Daisy.wma)