Cang Dr. Antonio C. Quiroz
Cang Dr. Antonio C. Quiroz
D - ane na ning Labwad Luzon, carin ya ing Capampangan
R - eng mangayap a Pamilya, apili dang manucnangan.
A - kit mung Pamilyang Quiroz, tajimik lang pamarisan
N - ung nucarin ding anak da, matiyagang pepagaralan
T - ony ing meyaring Doctor, Lett ing maestra, Bangcu'y Situ,
O - yan ngeni mayayakit , bunga ning capibabatan
N - inu careng memandaywan, ing mibayu capalaran
I - tang lintu tune biasa, ketang cayang pegaralan?
O - po, metung ne carela y Cong Toning caluguran.
C - yanacan a menintun, mibayu bie't capalaran.
Q - ueti king yatu magsikap, ninu ing kecang apusan?
U - a'y y Dr. ANTONIO C. QUIROZ, yang modelung paciapusan
I - ng cayapan , at sipagan , mababa ya pilubluban
R - eng doctor a cayabe na, lalun da itang gelingan.
O - bat caya miswerti la, Dening Quiroz caluguran?
Z - ero mu pu ing pakibat, uling iti balu tangan:
"Lugud king Dios, parang tau, pamakiabeng marangal,
Gawan mu itang agyu mu, sumaup ca careng tau."
ACJ, Artesia, Ca 12/27/2011