Judge Fullen Anicete

Judge Fullen Anicete

F - amilya nang caluguran, pepakit na ing lingap naU - ling king tauling inawa, ylang atyu king isip naL - alu na y Natividad, maganaca nang asawaL - abis labis pamaglingap, sinese siping nang camaE - na atangap tangap pin, ing lacwan at maco naya

N - nung nucarin naya muli , marap king miglalang caya.

A - nya balen Capampangan, pasalamat , kilalanan,

N - itang alacwan mung Adle, at agawa king balayan;

I - ta nang Knights of Columbus, Fourth Degree at Grand Knight ca pa

C - arin pepakit mu'ng lugud, king Simbahan O Iglesya;

E - wari Rotarian ca pa, Presidenting mituringan,

T - ikyan mu detang "Four Way Test" anting Credo mung daralan,

E - ulogy at tauling pamun , ining keca cu iampang. . . .

"Uling mayap ca ping tau, at tune cacaluguran

masyas cang lider ning Balen; Juez cang carelang gagalang;

Modelu ding cayanacan a dapat dang pamarisan."

"Maluca cung cawatasan, Keca Judge Fullen idaun ke,

At caring mal ketang bie mu, a lacwan mung misnang lumbe,

Ing panamdam cung masapsap, mangadi ampon dumame,

Keng sakit dang daralanan, cayabe cung managulele."

"At kening pamaglacbe mu, munta aliwang carinan,

Marap na ca at magsulit, ity alang capilisian,

At neng mayap ing depat mu, keting yatung penibatan,

Akit me lupa ing Guinu, midinan cang capasnawan.

acdj

By:

almario c. de jesus

Compadre at Panero

Cayabe mu king Integrated Bar of the Philippines

King Knights of Columbus

At Rotary Club of Southern Pampanga

Keng lacaran, at inuman

At aliwa pang e cu na sabian…