Embedded Files
IMELDA, Anting Metung a Sampaga
(Sinta Nang Danilo P. Danganan)*
A - gyang asna pagal, bayat, itang cayang pamanulu, Careng masakit a anac, gawan nay'tang asicasu,
Ditac man e ya migculang, king lugud na't catungculan,
Careng Bunga a mal caya, at asawang pacamalan.
*Ing asauang pacamalan... y Dr. Dan P. Danganan,
at ding maulaga bunga. . . John, Krystal, DJ at Andrew,
tubu ra ketang puhunan. . . itang apu rang y Jordan,
anac nang John a pangane, at ing malagung Mary Ann.
"Ing poema macatagulaling ya cang Dr. Imelda Yujuico Danganan, 60th Birthday Celebration at the Holy Family Parish Hall, Clarkdale Avenue, Artesia, Ca, USA 90701, July 28, 2012."
I - ng jardin da ding Yujuico, miyaliwa lang sampaga, Ding tinubung misnang lagu, mabanglung anting cannangga,
Deng bubuyug ligidligid, meging salawahan na la,
Nung sanung sampaga caya, ing mayumung simsiman da.
M - etung caretang bulaclac, tenam de lele libutad, IMELDA ing meging taguri, ing legwan na memucadcad,
Itang cutis nang morena, at aske na ning talacad,
Nung lumawe ya't tumiman, ketang Gloria ca mipadpad.
E - mu itang cayang legwan, ing aburi't apalsintan, Ing buntuc nang cabas Reyna, caban ne nitang cabiasnan,
Babae yang Capampangan, tune tapat at uliran,
Meging mayap a penganac, caring pengaring liguran.
L - on ta ngeni ing bili na, ning babaing Pilipina, Semasan na'ing pamagaral, ikwa nang meging Doctora,
Meging " Fellow Pedratician" at "Board Certified" ya pa,
Cabalitan neng manulu bandang Southern California.
D - acal la retang bubuyug, bisang sipsip king nectar na, Maswerting taga Apalit, yang menicwa king punlas na,
Oyan ngeni masalese, lugud ning pami-abe ra,
Apat la ring meging bunga, pigcalub ning Dios carela.
Page updated
Google Sites
Report abuse