Ing Maniaman Para Cacu

ING MANIAMAN PARA CACU

Neng Almario "amor" C. de Jesus, P.L.

Ing manyaman para cacu, istung benging capitangan,

Pangaulan cu ing ica mu, cabucas cung panyipitan,

Nung ala ca king siping cu, magulu cu caisipan,

Biling biling cu king cama, atna cu pa cabuysitan.

Ing buri cu siping daca, sasalacban, papatanan,

Matudtud cung matiwase, malacac at macatiman,

Cagising cu istung abac, prescu ining panandaman,

Kararagli cung mibangun, lacwan da ca king pagkeran.

Pamanlwal cu ketang bale, ketang obra munta na cu,

Ytang sabla king paligid, masaya ing acakit cu,

Uling ing benging milabas, metudtud cung alang lingat,

Meninap cung misnang santing, tiran ke mo'ing Lotto'ng Jackpot.

Caibat na ning pamag-obra, minuli cung dinaretsu,

Mepagal ya ing catawan, agad linub ketang cwartu,

Mig kera cung agad agad, pengapcap ke ing lele cu,

Abrasadul a ulun cu, maniaman cang dili cacu.