Maragul a bage ing mepili cung metung careng misinup careng miyaliuang obra nang P.L. Romeo Rodriguez, talasulat at dramaturco ning Capampangan. In-email na cu para king contextu...
“...Malyari kong ipasinup dening kakung miyayaliwang obra (Zarzuela, dramang Kapampangan at istoria pabula) bang ating lang akit ding anak a mag research? Masyadu la kasing dakal ding anak manibat king UP at DHVTSU a manintun karing obra ding talasulat Kapampangan. Uling tutu na lang ditak susulat zarzuela ampong dramang Kapampampangan, aku ngeni ing mirikilan. Masakit pa kaybat dang menikwang kopya kaku karing sinulat ku, king cellphone da naku interview. Mekad nung atilu king bale mung sinupan saguli dalang a-download.
“Nung atin naka man pung panaun o kaya paynawa ko pa basan-basan yu la pa mu at nung atin kayung apansin kakulangan ku malyari yong i-criticize o munye kayung opinion.
“Dakal a salamat.”
Angela dela Cruz... OFW: Zarsuelang Capampangan; Tragedia
Ing Bangungut Nang Gallardo: Drama Satirica
Daclat Ning Milabas: Capampangan Cultural Jamboree
Ding Alamat Ning Filipinas: Tinipun at selasayang pasibayu
Ing Kurus Nang Jesusa: Dramang Capampangan
Nicolasa Dayrit, Ing Bayaning Fernandina: Zarsuelang Maki Atlung Pindwan
Sinucuan: Zarsuelang Capampangan
by the Japanese in 1942. Kapampangan peasants chanted this pasyon during Holy Week to propagate Socialist ideas without being suspected by authorities. ...The Center for Kapampangan Studies will record it as one of its projects this year.
Inia ngeni, capatad cu
cayabe pacacalulu
misasang-metung na cayu!
Iti ya mu ing panulu
ban acua ye ing gobiernu.
E man sana king alalan
carin ta ya buring cuanan
ing keka tang pamajalan,
king alang sakit ditac man
king upaya itang talan.
Aguiang e ta magsandata
ban dumalan pa king guerra
ban paten la ring macualta,
ita ngan nung buri ta na
ing gobiernu acua ta ya!
Ding sundalus ning gobiernu
pilmi lang pacacalulu
menibat la kecatamu,
sabyan yung panandaman yu
e ta sucat mica-cunu.
Ding sablang talapagobra
king gabun ampon fabrica
pati na ring aliwa pa,
mi agum-agum co sana
metung man alang magobra.
Uli ning pamagwelga yu
malisuas yang pijung piju
ing kecatamung gobiernu,
hacienderu't propietaryu
paburen yong micacasbu.
At saca yu no lapitan
ding kecatang manungculan
a atiu king pamajalan,
e co mag armas nanu man
samasan yong pakiarapan.
...
Balu yu nung nanung sangcan
capatad cung bininiagan,
samasan yung ulingiran
ba tamung a malinawan
nung tutu o calaraman.
Ining keti maniacup la
ding Fraile ampon ding Cura
niting Iglesia Romana,
manibat pa pin canita
den papangumpisal na la.
Ing cumpisal guinamit de
deting Cura ampon Fraile
ketang matuling dang pake,
ya ing lijim dang magbante
dening mangaroc a Padre.
Ketang panaun a ita
ding cosiang panaticu la
manuala la caring Cura
nanu mu cucumpisal da
aguiang e