Amor

May 21, 2016 - Pamagmasusi ning aldong kebaitan, 79 banwang milabas, ciudad na ning Baguio, Cordillera, y Rosa Castillo de Jesus, asawa nang Andres Vergara de Jesus, beit ne ing catlu nang anac at mumunang anac a lalaki king Baguio General Hospital at mebiniag ya king Baguio Cathedral. Ing tewagan na king biniag y Numeriano "Nonong" Isais at Rodrigo G. Pangan . ing anac a lalaki, yapin y ALMARIO "AMOR" CASTILLO DE JESUS.

Meragul, megaral, meging Abogado at metung careng Poeta Laureadu ning Amanung Capampangan. Mekilala at miputungan yang Corona king Portland, Oregon, U.S.A. ketang Septiembre, 2009, pamagmasusi ning Aldu ning Amanung Siswan. Ing memutung ing capat a Ari na Ning Parnasung Kapampangan, Poeta Laureadu Renato Bonus Alzadon at Poeta Laureadu Ernie Turla, Presidenti, Academya ning Amanung Siswan International, at Ms. Mina Guintu Tahayeri, Presidenti ning Aguman Capampangan, NW USA. Midinan ya namang Medalya at Catibayan keng cagiwan nang gawang poema ibat cang Benjamin Yuzon, Presidenti, United Poet Laureate International.

OOOOOOOOOOOOOOOOOOOOOOOOOOOOOOOOOOOOOOOOOO