Ing Lugud Cu Keca
ING LUGUD CU KECA
Neng Almario "amor" C. de Jesus
Ing lugud cu keca,
anting caluguran,
E binang milaut,
king Indung Ibatan,
Catug ning pusu cu,
calupa nya naman,
Ning panandaman ta
king Amanung Siswan,
Pupugayan da ca
Budning Poetessa,
Masipag titipun
mi'ya liwang poema,
At bucas macadwa
potang ala tana,
Deng poesyang misimpan,
bacas la't alala,
Pasalamatan cu
mepili't miyabe,
Detang adwang poesya
a mal cung sinese,
Lugud cu king Indu,
mumunang inapse,
Cacadwa'ng Amanu
kecatamu mibie,
Pacamalan tala,
sumangid pa ning Bie.
At guintung pamanang,
e cumupas lante.