Y Maryann Ning Portland
Y MARYANN NING PORTLAND
Neng Almario "amor" C. de Jesus,(Ing Agila Ning Apalit)
Pista carin Portland mecumbira ke't tinagun
Atlung Poeta Lawredu miputungan lang dangalan,
Dacal lang tawung migsarya manalbe ketang tiuntiunan,
Ating ginale't migcanta tinerac pa't memyalungan.
Ing Aguman Kapampangan yla ding menasicasu,
Careng bisitang dinatang masaya la't macuswelu,
Ing babaing sasalubung careng poweta at dalu,
Ya ing Malagung MARYANN macatimang misnang bibu.
Nung damdaman me'y MARYANN ketang pamagsalita na,
Anti ya' rugung magkwentu alang sucad at e rima,
Ing tonu na pati suala lultu "ordinary" caya,
Dapot caretang darandam ing ibubugca na Poesya.
Y MARYANN calupa nu deng mag-polusa Pampanga,
A keraclan mu carela mamag "extemporeanous" la,
Ela matas pegaralan nung titulu culang la pa,
Dapot nung mag- Polusa la mag-"belivie" ca keng galing da.
Caretang munta king Portland ngening Septyembreng daratang
Eyu sana cacalingwan pakikitan ye'y MARYANN
At bayu namang abitasa yng manyabi cung catutwan
Ya ing muna ping lalapit sasalubung macatiman.
Anya tara munta tana Pista Naval Portland, Oregon
Presidenti Ernie Turla aplit na cung cucumbiran,
Pati na y Atsing Rita Pamuntuc na ning Aguman
Pakit da'ing "Hospitality" ning ugaling Kapampangan.
At ecu pa acalingwan yulit cu ing pasalamat
Caring miyasawang "Turla" tinggap da keng misnang sampat
At anyang mamun na cami dacal la pa pepabitbit
Pasalubung da pin canu anya masaya ya'y misis.