Anting Dutung Bie Ning Tau

ICA LABING WALUNG BUTIL A PALE: ANTING DUTUNG BIE NING TAU

(ATLUNG DUTUNG) (short version)

Salamat pu, aburi ye,

Apilasa ye sang tune,

Aral nang misnang malumbe

Ning poesyang managulele,

Detang dutung a tanaman,

Cambe ning casalpantayanan,

Atin la ngang ca-ugnayan,

Cang Jesu Cristu tang Nuan.

Dutung ketang Lalabangan,

Cabait Na yang pigkeran,

Dutung a megawang barcu,

Pepakit na ing Milagru.

Dutung sanang pibitayan,

Cruz yang pacu pipacwan,

Mitas ya ping tatangalan,

At ala nang camatayan.

ANTING DUTUNG BIE NING TAWU (Atlung Tanaman a Dutung, Macuyad a obra)

Neng Almario "amor" C. de Jesus

At tanaman a maninap,

Mitas la pin sanang mayap,

At magamit lang masolu,

Ketang buri na ning tau.

Ing tau keng parasan na,

Santing sana pangatwa na,

At e ne dumalan keng sakit,

Tula na mu'ing cayang ackit.

Dapot ing sabla keng yatu,

Itang bucas e me pihu,

Nung nanu man ing suwerti mu,

Ity binye na ning Ginu.

Inya aral yang malalam,

Poesya nung kecang dungdungan,

Anting dutung bie ning tau,

Ing mabibye keting yatu.

acj