Pagmaragul Da Ca, Caca

PAGMARAGUL DA KA, KAKA

neng Corazon de Jesus Pablo

I Maria Teresa, ali me asisyan,

Metung yang mamanga, keng kekang kabiasnan,

Keng pamanyulat mu, king Amanung Sisuan,

Mangasanting la ngan, makawiling basan.

Anya ing lugud ta, king Amanung Sisuan,

a kekung pagtanggul, at e pisasawan,

Eye tutucnangan, lubus pagaralan,

Para kareng dagul, tamung kayanakan.

Yacung kapatad mu, keka sasaludo,

E migaganaka kakang abugado,

Ing panga tatak mung poeta laureadu,

Manatili keka, at dangalan tamu.