Gripu

Gripu

Diosdado P. Macapagal

Balen Baba, Capampangan

Acu sasaclu cu, mamipi ca pala,

qng metung a gripu iniang miquit cata;

cabang sasalud co ding lata cung dala

ing panga-timpu mu ecu patdan mata.

Macalugue ca buac antimong panaru,

qng basa mung lupa quelagu mung lalau,

Metung ya mung ulas ing tacap mung baru

ibat lalam tacde angga babo salu.

Iniang maliquid cu canacung amatan

ding adua cung lata quinatmu nia naman,

nung e cu marine ing cacung depatan,

tigtug cung inugse ing carelang laman.