Acu Ing Danum A Mabie
Ninu mang cacau!
Sucat yang lumapit canacu!
Palapitan ye ba yang macainum
Ing maniuala canacu!
Ibat king pusu na sumibul la ring batis ning danum a magcalub bie, (Juan 7:38) ngana wari, ing Espiritu Santo O caya ing Bie alang angga, Ing ibat king pusu nang Jesus O caya pusu ning talasalpantaya. Y Jesus ya ing Danum a magdalang bie king caladua. At ing ninu man minum king Danum a Mabie ene Cumau caba na ning bie na. Y JESUS YA ING MABIE DANUM.
Ketang panaun nang Jesus e binang dacal at masakit manicuang inuman a danum a cailangan keng pamibiebie e anti mu ngeni a malaguang manakit inuman a danum. Nung inng catauan ning tau, mangailangan yang danum para sican at cumaba ya bie, macanyan ya naman ing espiritu ning tau. Ing caladua cacau ya naman at dacal tamu gauan bang midayu cau , oneng mapilan mung penandit cumau ne naman. Ing metung a bage bang midayu ne cau, yapin at e aliua nung e mu ing mabie danum, Y JESUS CRISTO.
5King pamaglacbe na, miras ya Sicar, metung a balen Samaritano, malapit ketang gabon a pigcalub nang Jacob cang Jose a anac na; 6Atiu carin ing Talaga nang Jacob at y Jesus king pangapagal nang miglacad, migpainaua ya at linucluc lele ning Talaga magugtung aldo canita; 7Ing metung a Samaritana dinatang ya bang saclung danum. Y Jesus ngana caya, “Pakirinan mu na cung danum ba cung macainum”;( Dina ing lagyu ning babae at inalilan neng Salome anyang tucyan na nu deng discipulus nang Cristo); 9Ing Samaritana, nganang mekibat, Nanu? Metung cang Judyo macananu cang manyauad inuman canacu, ngening acu metung cung Samaritena? 10Y Jesus nganang minatba,
“Nung balu mu mu ing yayaluc ning Dios at nung ninu ing sasabi ke cang , “Pakirinan mu na cung danum ba cung maca inum, mecad ica na mismu ing maniauad at marahil ya pagcaluban na cang danum a mabie.”
11Ala cang timba Ginu? Nganang mekibat ning babae, at ing Talaga malalam ya. Nucarin mu cuanan ing Danum a Mabie? 12Migit ca pa wari king nunu ming y Jacob a minie kecami caniting Talaga at ya mismu, pati na reng keang anac at animals keti la ngan kinanuang inuman: 13At y Jesus nganang mekibat caya,
“ Ninu man ing minum king danum a yan cumau yang pasibayu;
14Dapot ing ninu mang minum king danum a ibie cu,
e ne cumaung pasibayu capilan man. Ing danum a ibie cu
maging metung a sibul ya kilub na, at ibie ne ing bie alang annga."
15Ginu, ngana ning babae, dinan mu cu king anti canitang danum. Ban keta e na cu mangailangang munta at saclung danum keti...
19King panakit cu Ginu, metung cu pung profeta ngana ning babae; 20Ding pipunpunan mi simban de ing Dios king bunduc a iti, dapot ding Judyos sasabian yu king Jerusalem mu bukud carin ya sucat samban ing Dios...
24"Ing Dios espiritu ya at deting sasamba king Dios, cailangan king samban de king espiritu at catutuan."
25Ngana ning babae, “Balu cu king ing Mesiya, ing ausan dang Cristo, dating ya. Paniatang na, ipabalu ne kecatamu ing sablang bage; 26Mekibat ya y Jesus, “Acu ya, acung capagsalita mu”.
Y Jesus ya mu ing cailangan ning espiritu cu ba cung mie cayabe na king bie alang angga. Nung alang danum a mabie a painum king espiritu cu, iti, maliari yang mate anti mu nung eya naman painuman danum ing pangyatu cung catauan.
Anya, bayang e cumau ing cacung caladua, inuman ke ing danum a mabie, y Jesus king aldo aldo at iabe cu la naman deng aliua at ipabalu cu ing y Cristo mu ing macadayung cau ning kekatamung caladua o espiritu.
Almario “amor” C. de Jesus
K of C, Past Worthy Advocate