Goso Nang San Pedro
GOSO NANG SAN PEDRO
culled from the recollection of Bro. Nestor P. Simon Knights of St. Peter,
Alauli Chapter and Bro. Amor de Jesus, K of C, district 7749
I. Kekami ne pung pagsulit
Piesta ning balen Apalit
Atin pung malang meyaki
Depat nang San Pedrong Lawit.
Coros: O' San Pedrong Patulunan
Milagrosong pikabaluan
Lingapan mu ke at busnian
kanyang Susi mung tatalanan.
II. Bulan ning Junio kanita
Bisperas na ning Piesta Na
Singkwenta's dos ya ing banwa
kanita merapat ita.
III. Itang pagodang sasaken
ere atinag ditak man
Ding lubid dang kukulyutan
Mengapatad, mengapictal.
IV. Uli ra pin ding gamit na
kelingwan da retang pantas
ing singsing na ampon tukud
Deyu ru't kaya linaot.
V. Kanita ra na arandaman
bayat ning Lansang abitan
Delakit de ketang pampang
Sinaka re ne mu't pisanan.
VI. Pauli ning e me ganap
Buri na king pamaglibad
Ngara mu ing sasabyan na
Pasibayu kung magpiesta.
VII. Kanita nu pemuntalan
Deng miyayaliwang balayan
Maigpit nung kukumbiran
Deng maluka't mayakayan.
VIII. Karin pa king Tarlac miras ya
At layon yang mengumbira
ngana mu ing sasabian na
Makipamiesta ku sana.
IX. Nung eye balung puntalan
Ing baryu kung tutuknangan
Kekayu yang ipangutang
Ding Arnedong pikabalwan.
X. Baryu ku ing yayaos da
Capalangan ing bansag da
Balen Apalit sakup na ya
Probinsya na ning Pampanga.
Coros: O' San Pedrong Patulunan
Apostol na ning Miglalang
ycang mantabe' t sumaup
Karing kristianong malugud.
amor06/21/10