Amanu Neng Misa (VDLR Misa)

AMANU NENG MISA (VDLR misa)

neng Almario 'Amor" C. de Jesus, TnG

Deng Amanu neng mag-misa, menibatan la king Ginu,

Dalan ya ing Magsalita, tintunan ning Espiritu,

Uling Ginung Jesu Cristo, pecabalwan a Amanu,

King uli Na para Caya, melalang ya iting Yatu.

"Reparation" a pangadi, pengadian keng Capampangan,

A pilasa cu ing yumu at tune nang Cabaldugan,

Ing Salitang Capampangan, yang Amanu cung Beitan,

E ta dapat picarine, gamitan ya neng Cailangan.

Anya naman deng Sisimba, Capampangan ing Lahi da,

Malagad mu istung Misa, damdaman ing Amanu ra,

Balang Salitang mibugnus, tataglus caring puso da,

Ing Lugud da king Mengabus, titibe la Salpantaya.

Capamilatan ning Virgen, adwan tamu king Anac Na,

Pag-calaman na ca tamu, ketang Mal a Bendisyun Da.

VDLR, Los Angeles 09 Sept 2012