ALBIN LANSANG BUAN, Palikeru Ning Kapampangan Pride
(Nominated by Almario C. de Jesus) (died feb. 29, 2016, OFW Middle East)
A - lbin nung ausan de, retang cayang caluguran,
L - ansang neman yang libutad, cang Indu na menibatan,
B - uan ya waring anting bulan, apelidung pacamalan,
I - nyeru yang misnang galing, pagmaragul ning Becuran,
N - ung nucarin detang Mal na, Sta. Rita manucnangan.
L - ibu libung Pilipino, atiyu ngeni king Arabia,
A - be ring aliwang Dai, alang patugut magobra,
N - anu pata patingapun, cayud keni, cayud keta,
S - akit na nitang catawan, pagal a alang capara,
A - nya pangaras ning bengi, oras na nitang painawa,
N - ung nucarin itang isip, lalalang ya pung Poema,
G - uintung butil cawatasan, ketang tune Amanu da.
B - isa cu ngening mamili, caring abe yang yapag cu,
U - ling keng panlalawe cu, aske na ing PALIKERU,
A - gyu na ing pamanyulat, mamikudta king Amanu,
N - anu pa mu ing lawan mu, eme buri ing BIGOTILYU?
ALBIN LANSANG BUAN, ing Palikeru Ning KP!