Y Mely G. Catacutan

Y Mely G. Catacutan

Neng Amor de Jesus

Y Mely Gatbonton Catacutan,

Sapni nang Maria Sinucwan,

Mibait at meragul ya,

Tibis ning Bunduc Alaya.

At king aus na ning sinta,

King Apalit mipadpad ya,

Meging calma ne'y Rodolfo

A apu nang Panday Pira.

Oneng e la mipaindatun,

Ing buri da maglacbe la,

Mig alsa balutan la,

Miparas la America.

Misan a benging marimla,

Ketang tudtud mipacde ya,

Ginising ne ing Lira na,

At linalang yang poema.

Metung a Paninap, mumunang Poesia,

Dilang Maingat, yang cadwang gewa na,

Dacal pang tutuki, lalcas king isip na,

E ta mangainipan, panenayan tala.