Dumalagang Ligidligid

DUMALAGANG LIGIDLIGID

neng Almario "amor" C. de Jesus

Dumalagang ligidligid, lelele, dalan dalan,

Agad da lang apansingan pamilugan la catawan,

At agyamang maina ing tud, magpilit mu lang tagalan,

A anti mung tatyu baryu, manlapugpug balang dasan.

At potang metagal na la, agad dalang panuctucan,

Damdaman mung mag palpatuc sisiri ing pamilaban,

Agyang dupa pa ing alti, e ra carin apatucnang

Cabang e mu pin apalabas, ing singo na ning catawan.

Ing tulauc at ing sicad, canita na magmayabang,

At deta nang dumalaga, manaya na lang lapitan,

Anya careng sesesen cu, ica ing "paboritu" cu,

Talisain a tatyu cu, machong macho ing datang mu.

Cagising cu istung abac, agad dacang panaplusan,

Titipun na cung pamusta, ketang "derby" da ca ilaban.