Dalit Ning Lahi (2)

Dalit Ning Lahi (2)

Alvaro Torres

24 October 1928

Magalang, Capampangan

‘Yas ning silangan

Indu ra ding matapang

Icang irugan

Ding pusu’t panamdam.

Maulang doncella

Reyna na ning Malasia

Pagsantunga’na

Ning lugud at sinta.

Iyang matibe mung tagle

Bayani mung manga-binti

Meguing saput de ding mete

Ay yang pandung da ding mabie.

Iyang bandila mung matindag

Iyang gueua rang saguisag

Anac mu qng pamaquilamas

Ban dangalan lalung mitas.

Oh! Casampat ning mie busal mung pacamal

Nung in sabla timaua ngan

Dapot mayumung e palac ing mate

Mamingua qng catuliran.