Ecu Tinaptinapan

King galing dang mangamanu, English itang sasabian daAgyang y Erap Estrada, siguradung maluma yaSinitsit ya ing Abe cu malyari ing gumale ca?king amanung Capampangan, ing ANASI talacad ya.At ere pepakarine, agyang ala keng programa Uling ining mekisabi, Paeng pintor… at powetaat enacu menaya ing sabyan da't pakilalaAgad nucung linibutad, binie ing puge carela.At bayu cu pu ginale, canacu yang selasayannung nanu ya ing ANASI at ing pake na at gawan.king lagyu ning Academya, kilala't pesalamatanMica pamagmasusi ya, aldu ning Amanung Sisuan.At ing canacung ginale, Poemang Amanung SisuanPoesya nang Rene Alzadon, at tune macabaldugan

anya inyang mamupus cu, ecu sucat ping asaan

linapit ya ing Gobernor , matalic na cung gematan.

Agcatan cu reng caaptas, deng epa rugu susulat

ketang amanu tang sisuan, cacawe na dayat malat

dacala retang poema manenaya mung ibuclat

Subucan yu lang igale, balang lubus misambulat.

Casapungul a Sampaga, cang Alzadon la ngang poesya

Capampangan "Songs and Poem" ila ding cang Ernie Turla

At ketang K-poetry naman y Maniago pasyalan ya

abe la di Saban, Pena, Castro't, Laquian, aliwa pa.

Balic tamu ing ugali tradisyon na ning mumuna

nung nucarin ding poweta mamoesya la ketang Plaza

Ustung atin naping Pista O miputungan Corona

Ding poetang Capampangan, "superstar" la at bida.

Pasalamat cu pung dacal, king masanting a Puna yu

Iti magsilbi yang diwa inspirasyon na ning bie cu

asaan yung e meragul ining masyas a buntoc cu

Nune bagcus durucu ke ing canwan cu ngan kekayu..

&******&

engapauna yung pedala kanaku, ala ku asabi nune... "Kasanting na!!

******

E CU RUGU MASALAPI, dapot mayaman cu

Neng Almario "amor" C. de Jesus

Alang dacal a salapi, gintu't alahas a dacal,

Kotsing bayu keng modelu, "Brand" a malan misnang camal,

Ala cung asabing Mansion, mamasyal aliwang lugal.

Ala nang alac inuman, alang "chickas" ampon sugal.

2)

Anya ing bili cu ngeni, nung cacung abibitasa

Mabibye cu keting yatu, maluca mu at payapa

Meging ugali na cacu, ing dungdungan ke ing Biblia

Bang abalu ing Amanu, at ing Mayap a Balita.

3)

Sasabian da deng aliwa, potang sobra ca salapi

Mitas na ca pilubluban, manaliwa ing ugali

Deng taung macapadurut , tucyan da ing kecang buri

Alang malyaring salangsang, utus mu anti mung ari.

4)

Anya ining bie mu ngeni, adwa lang misasamsaman

Ing Dios o ing Salapi mu, ninu ing dapat mung tucyan

Manyaman pin ing bili mu, ing sabla asali mu ngan

Ing bie mu king Yatung iti, e na mica-capupusan?

5)

Agyang tictac ca keng yaman, ganacan me sa ing Ginu

Nung bisa cang muli caya, potang datang ing horas mu,

Gamitan mu reng salapi, keng lugud para mung tau

E mu dasan ing Impiernu, a calupa nang Lazaru.

6)

Busbus na nitang carayum, ya ing dalanan mung pilit

Bacang milub king Caharian, ning maligayang pinandit

Pamudmud mu reng salapi, careng taung magcasakit

at mamun ca keting Yatu, magjingalung alang sakit.

acdj - Ing Agila Ning Apalit (google blog)

Apalit, Pampanga - Artesia, Ca. USA