Cang Amor,
Keng licsi mu at gelingantutu nang pgmumulalanding bersu mung mangundimansuslag yang amanung siswan..!Lwid ca ngeni lewuryaduing corona king canwan muat iti yang sisimbulu
ing lugud mu king amanu..!
Caring canta't powesiya
cawatasan at pulosa
keca la ngan dala-dala
agyang nucarin ca munta..!
Carapat-dapat ya mu pin
coronang keca mirikil
iting Balen mung Apalit
anac na cang e asupil..!
Telacad meng bandera na
ikang aslag king Alaya
uling ing amanung mana
pawuli mu metula ya..!
Lwid ca cang Amor de Jesus
ing agilang mamalisus
ikang magdala king curus
Capampangan cang tibubus..!
Paeng
PL
&*********&
POEMA NANG ELY SALAZAR
Elysian Tulang Liham is with Linda Natac and 8 others.
May 21 ·
Ing Sala ning Biasa
PL Almario C. De Jesus
Dakal la ring tau mika-karangalan
A magdalang sala keti king sikluban,
Dapot deting aslag tula ding tatalan
E la lupa-lupa king kapilubluban.
Ing sala ning metung atin yang darala
Para kareng tau a bisang mikwalta,
Itang kasumangid, ing pun yang mipala,
At ketang kangatba nung nanung mibata.
Miyayaliwa na ing sala dang babie
Karetang aguman ambus na king bale,
Dapot atin biasa nung ya na ing mamie
King lalto nang aslag, dapal kung lelele.
E mapilan besis iya akarungut
Ining panginuan ku nung ya na ing kimut,
Ding kayang amanu manyaman la langut
Mayap lang akmulan uling alang samut.
Ing lagyung misabit iti tituladu
De kampanilya yang talapanlualu
At poeta ya pang meging laureadu,
Anya ing gelingan masala king salu.
E makatas nune mababa ya ing lub
King nanung sigalut e gulping lulusub
Pitimbang-timbang na ing lual at kilub
At kareng tatayid, alang misusubsub.
Ing amanung sisuan, amana nang singsing
King poder na’t diwa lunto ya ing ningning
Lakwas yang malugud ampon e sasaingsing
King pamaningat na keng gintung maningning.
Yang sala ning biasa, ing buring bagayan
Keni lalam banua iyang tatangalan;
Ngening kebaitan na, tune pupugayan
Almario de Jesus, ing lagyung dangalan.
San Diego 21 Mayu 2017