E Ra Ca Buring...

E RA CA BURING . . . . .

Neng Almario "amor" C. de Jesus

E ra ca buring Calingwan

Cabang atin cung Inawa,

Ica itang Mamalale

kening Calma cung Malumbe

Paintunan cu ing Pali na

ning Sisiping mung Catawan

Babie Tula kening Pusu

at Sasalab keng Caladwa

Itang Caul mung Matalic

at Uma mung ting Gayuma

At Bosis a sari Lambing

anting Tumaila king Glorya,

Detang labi mung makiput

Timan a alang Capara,

Ing Aplus ding kecang Palad

anting Bacas king Aplaya

Sasalangian na ning Alun

potang bisa neng Painawa,

E ra ca buring Calingwan

agiang Gilutan mu Sinta,

Mabibie cu king Palsimi

Pibabatan ining Dusa,

Uling Ica at Ica Mu

at Ala nang Aliwa pa,

Agiang Meco't licuan mu cu

ing Calingwan Ali daca.

Aug. 30,2012 acj

&***********&

2)> KECA ELSA, king kebaitan mu

Ing buri cu sana, nung malyari mu sa,

aldung kebaitan, akit da ca Elsa,

bacung macagale, keca munye tula,

anti mung regalu, ning taung maluca,

Dapot ining bili, milipat cung dagat,

e cu cararagling, milacu, milacad,

anya kening FaceBook, canacung inagcas,

uling mal ca cacu, anti mung capatad.

Dale magsaya ca, e mu cacalinguan,

ing simba ca pa mu, king binye Nang Calam,

pasalamat Caya, ba na pang dagdagan,

daratang a aldu maging kebaitan.

acdj

******

Flowers are blooming in December,

A charm in the cold morning of winter,

remember the moments we're together

that lasted and remained till summer

and even thou you passed away,

my grieving heart now in despair

and all I do is wish and pray

that someday, we will be together

acdj.