Pamanamdaman

Dakal kekatamu ing mapanamdaman,

Manasakit ta na, nanu man ing sabian

Agyang e aintindian, nung nanu ing sangcan,

Taung e maingat king kayang sasabyan.

Eta rugung taung e bisang mimimwa,

Ing mimwa karela e mu pin agawa.

Maplas ing king lub mu, mibata cang bina,

Kinet meng labi mu at ginulut bigla.

Nung apibalak mu ing dapat mung gawan,

Pangilagan tala reng taung makanyan.

Pepaburen tamung etala petasan,

Era pangilagan manamdaman ka man.

Nung menasakit ka dapat abalu ra,

Uling e na justu ing pamanyabian da.

Caibat mung sinabi nung ulitan da pa,

Dapat cang manginlag at ena buldan pa.

Tantu tang matibe na ena malyari,

Erana agawa ing manikutsa pa.

Nung e pangilagan o eka lumaban,

Anggang mate na ka era ka tantanan.