KING KEBAITAN MU, DANILO P. DANGANAN, D.M.D.
Neng Almario "amor" C. de Jesus
D - dane San Vicente, balen ning Apalit
A - anac a Danilo, carin de pin beit,
N - nay ne'y Apung Epang, Bonnie ya ing tatang,
I - Ing apilidu ra, Payumo, Danganan,
L - lugud ing penese, yang acaragulan,
O - oyan naman ngeni, lintu yang magalang.
P - pamangadi king Dios, e na cacalingwan.
D - dentista yang tune, profession ning bie na,
A - ayari nang cursu, meging balita ya,
N - numan king Pampanga, serbisyu gewa na,
G - ganap yang gugusal, e lalun ing pera,
A - anya meging swerti, misis na doctora,
N - ngeni at apat la, ding meging anac da,
A - apo na adwa la, di Dustin at Jordan,
N - niya caluguran, aldo mung beitan. . . .
I - iyabut mi ing "Happy Birthday"!
L - luid ca, Dan Danganan,
O - oyni ing pangadi
V - Virgen mantabe ya,
E - E ca mangalingwan, pasaup ta Caya.
Metung ca caretang, dapat kilalanan,
A masyas a pader, ning balen tang tibuan,
Maca aliwa ca, careng caluguran
Maski nanung horas, mayan cang lapitan,
Ala cang caymutan, alang cabastusan
Pagmaragul daca, Dr. Dan Danganan.
Pakibat
Dear Amor,
Bayu ing sabla ipayabut ku ing pami salamat king kekang gunita quing aldo ning kakung kebaitan. Kabang babasan ke ing "Poesya" mung belangkas maka pariquil kanaku,linub king kakung kaisipan ing mengalabasan kung bie nung makananu dakung peparagul ding pengari at pemula't ing lugud king Diyos,Pamilya't, kakaluguran at quing sociodad,makanyan munaman ing importancia ning education. Iting eganaganang bague a iti yang megsilbing sandata para talakaran ing nanu man pagsubok king bie. Metung kung karangalan para iyabe, kareng kekang kakaluguran at pagmaragul.
Luid,
Dan