Skip to content

Siuala Ning Maliwalu

Anac Ning Baculud

• About

• Contact

Cauatasan

Cambal Cauatasan (Ing Aguila Ning Apalit) (Dacal A Salamat)

March 11, 2018 siualaningmaliwalu

ING AGUILA NING APALIT

(PUGAD NANG MISNANG TIBE)

Mala-Soneto

Irvin Harvey Rivera

Siuala Ning Maliwalu/Anac Ning Baculud

March 10, 2018

Luid ia ing Aguila caring Poesia na

Pamangulis na qng mataram nang pluma

Ding sunis o dalit at ding balang letra

Macabie lang diua pangabalangcas da.

Silung! dala mu cung iterac ning angin

Gamitan mo retang bagius mu’t magmain

Sulapo mu cu qng lele da ring batuin

Qng babo ning bigua’t bulan anti mu rin.

Amuiutan mucu’t dinan capaldanan

Caring poesia mung mamie capasnauan

Detang quecang dalit ume cong balican

Bang ing ligalig cu mapulid mung misan.

Luid ca oh Poeta Laureadu ning Sucad

Balen ning Apalit ia ing caiang Pugad.

#SiualaNingMaliwalu #AnacNingBaculud

DACAL A SALAMAT (Irvin Harvey Estanislao Rivera)

neng almario “amor” de jesus

E cu balung sabian, dapat a pakibat,

Mepipi cu yata, nanung cacung isulat,

Ing pugeng binye mu, dapat pasalamat,

keng dimut cung belwan, pamanyulat tapat.

Ing sablang disan cu, keng pamanyulapo,

Yti parikil cu, king balen cu’t baryu,

E cu cacalingwan, ing penibatan cu,

At e picarine, lugud king amanu.

Dacal a salamat O poetang Irvin,

e ca sa mamandal, gagale’ t susulat,

at nung sulapo ca, tandanan mu sana,

dugpa’t, magbaba ca, potang dalumdum na.

Samasan mu Irvin ing pamakiabe,

Careng capanalig, susulat gagale

Uling maulaga, panugaling tagle

Yang bacas malacwan, tandanan dang tune.

acdj Mar 10, 2018

Advertisements

Related

DING AMANU NANG IMA CUIn "Cauatasan"

UAGAS A LUGUD (SISINTA CUNG BACULUD)In "Cauatasan"

PINANDIT 2In "Cauatasan"

Published by siualaningmaliwalu

View all posts by siualaningmaliwalu

Share this:

• Twitter

• Facebook5

• Google

Like this:

Post navigation

Previous Post MISAN A BENGI

Next Post QNG DIMUT CUNG CAGUIUAN

Leave a Reply

Create a free website or blog at WordPress.com.

Click each item below to see the slides...