Susulatan cu ngan deng anggang Ima o babaeng miglaglag (aborted) buctut; at mamilatan cu caretang milaglag o e na mibait uli na ning gewa ra deng mangaruc a gamat.
Buri cung ipabalu kecayung Indu mi a e yu na tatangisan ing panga mate mi, uling masalese na ke man cabilian. Ing Ibpa tamu, ing Dios, masaya yang liningap kecami. Anya mu pin panintunan mi ing sana meging cayabe mila mu rin deng kecaming Inda. Kening bili me pangadi mi la deng Inda ming miglalglag buctu. Buri cung ipabalu caring anggang Inda ing catutwan at pangapalyari ning pangalaglag o pangamate mi.
Masalese cu pang atatandanan nung macananu da cung deyu ketang pecamasanting a paraiso cung cabilyan; itang horas a deyu dacu kilub ning atyan nang Inda cu. Cayariyari cu pang mengan canita at ume na cu sanang matudtud. Cabang pakirandaman ke bosis y Ima cu, atin cung dimdam a aliwang magsalita at agad mitacutan cu at agad mipacyac. Dimdam kya namang mitacutan y Ima cu at mebilis ya carug salu. Inyang ating lalapit a instrumento mipagulisac cung masican, "Ima, Ima, nanu ya ini, saupan mu cu, e mu pabusten ing buri dang gawan canacu". Ing palapit a instrumento buri na cung panyiran. Mengulisac cung masican. Kinalawat cu keng peca maulagang bage canacu, ing Inda cu. Obat cayang icang pecamaulagang babai keti king yatu, icang ating malugud a puso, misnang ganaca, ot pabusten mu ining gagawan da canacu.
Maina at ala cung sicanan keng atyan mu. Bisa cung mibait, ba ra cang apanuma, a caul, at asabi cu keca, ica ing peca mayap a Inda king yatu. Bisa cung mibait bara cang patulan istung malungcut ca; dinan dacang lugud at pamisanmisan ditac a licut. Isipan cu ing penandit at micacaul cata, micaili, cumyac at mipanaru. Ngeni acakit cu ing sablang paninap mapupupus ngan at muli keng ala.
At cabang isipan cu ita, ing makinang panyipit. Sigpang ne ing metung cung bitis at sepulyut ne. At caibat sinipit at deyu nya naman itang metung. Ginulisa cu keng sakit, "Ma,Ima, Mommy, ot pepabusten mung gawan da ini. Ibawal mula at malunus cu rugu canacu. Ipangacu cu ing gawan cu ngan ing buri mu, e yucu sana papaten, malunus cu rugu".
Caibat inabit at midayu ya ing wanan cung gamat. Sobra sobrang casakit. Makisabi cu pa murin ing malunus la. At midayu ya naman ing caili cung gamat. Anti mung bingut a malugud king Indu na, lebanan ke ing makina. E na cu ustu catawan. Ala na cung bitis at gamat, pero e na bala. Ing buri cu mu ing sabyan nang Ima cu ing caluguran na cu at ilacy na ining sakit a darandaman cu. Malapit nang mapupus ing sabla inyang ing panyipit sinira ne ing buntuc cu at cayagnan ning "Caluguran da ca Ima, Memun na cu cang Inda cu."
Ima, buri cu mung asabi keca ing "Patawaran daca at caluguran da ca". E mu na cu sa pagcasaktang isipan pa. Nung malyari pakisabi cu mung mayap, sabian mu careng mengabuctut o cacagling babae ing deng buctut da rugu buri da mu ing mibait la; ba lang munie tula o magsilibi careng Ima o Tata ra potang datang ing panaun.
Caluguran da ca Ima, Inda, Mommy. I love you Mommy.