ENA MACALINGWAN, (Bernard Aguirre, P.L.)
Diwa neng almario C, de Jesus, Ing Agila Ning Apalit
Calupa ning misambitla, neng babasan daca poesya,
Alang binit ining tula, ecu man mipyac a mata,
Uling deng kecang tumayla, malambis lang anting mutya,
At sonatang menibatan, king carinan ning Bathala.
At ing Caban ning isip mu, caracal da reng misimpan,
Guintu't banal a amanu, obat e magisangisan.
Pati na itang gareta, e milacad nung e tairan,
Apaltu meng maulaga, careng gapuc a sasaken.
"Sibul Ning Arayat, Aplit yang tutulu,
itang cayang danum, manyaman a Uru."
Inya ini nang Agila,, agyang matas yang sulapu,
duducu ne ing buntuc na, keng santing mung mangamanu,
Luid ca Anac ning Arenas, mipala ya ing amanu,
Uling ating calupa mung, matenacan careng bersu.
Emu sana tutucnangan, dagdagan mu ing sipagan,
Isalbag lang masalese, bini caring cayanacan.
Potang pupulan do reti, yca ena macalingwan,
Lagyung Anac Ning Arenas, ene mate capilan man.
Artesia Ca, U.S.A.
acj 12/30/11