Nanu Ing Beer Keng Capampangan?

NAPUN NACADWA NA,

neng Almario "amor" C. de Jesus -

Tutu pin at melakuan na, ytang napun nacadua na,

E na malyaring ibalic, calupa na nitang sadya,...

Mengari mu ketang malan, kinupas ytang cule na,

Meging matbud at meluma, era na buring isulud pa,

Dapot ytang panalala, ketang napun nacadua na,

Mitanam king caisipan, keng isip mibabalic pa.

Ketang napun nacadua na, tenam mo detang tanaman,

Tutugtugan at sesesen, maralas mung gagambulan,

at ngening meragul na la, bunga da menyaputputan,

Careng tau, pati ayup, ylang babye pagcabyayan.

Ketang napun nacadua na, nung ala ca rugung tenam,

Ing bye mu misna nang sakit, nung ala cang pupupulan.

Balicdan mu ing milabas, ba mung dasan ytang bucas,

Casakitan o canawan, lalun mu ing meging bacas.

acdj

&********&

Nanu ing BEER keng Capampangan?

neng Almario "amor" C. de Jesus

Dacal la retang amanung malwat ta nang gagamitan,

Manibatan ketang napun, amanu la mung inandam,

E la licas a salita, e amanung capampangan,

At ala ta mung balac, alilan la o calingwan.

Salitang BEER nanu ya mu keng amanun Capampangan,

E wari CERBESA neman, madalas tang darandaman,

Obat iti aburi de, deng mahilig keng inuman,

At agyang malasing nala, BEER pa mu rin ing sasabyan.

Nung muli ca Pilipinas, Abe... e na ca magtaca,

Balang cantu careng baryu, agyang keta pa Menila,

Akit mu itang umpucan, mag-sayang misna na tula,

Miminum la at tagayan, lalu neng aldu ning sweldu.

At "siempre BEER" ing number one, paborito dang inuman,

Lalu na nung ing pulutan, azucena ya ping "Aw...Aw".