Keca Caluguran... (Hug Certificate To A Friend)

KECA CALUGURAN..... (Hug Certificate to a Friend)

neng Almario "amor" C. de Jesus

Nung malyari mu pin sana, dacpan ke ing Pinanari,

At potang agawa cu na, keng candunggan mu ibili,

Pisulwan ta itang adwa, ing legwan na ampon cule,

Lalu na caretang aldu, datangan na ca ning lumbe.

Nung agyu cung gawang bunduc, maging keca ya sana'y ti,

Mica lugal cang puntalan masayang magsasarili,

Mayumu cung cunan keca, ing nanu mang cagutgutan,

Cararagling ibalugse, ketang dagat calalamnan.

Dapot ing sabla balu cu, masakit ping mapalyari,

Macananu ing gawan cu, careng bage imposibli,

Ing bunduc e ke agawa, pinanari'ng pakiracpan,

Anya ing balu cung gawan, keca masaya cung iampang

Ing maging caluguran mu , ngeni at aldung daratang,

Ing panlalawe cu keca, e magbayu capilan man.

Mica-diwa cu ketang Mensahing “A Hug Certificate for You” keng English, ibat keca Elsa at gewa ke ining Capampangan Version.