Xeografía de Grecia

Os gregos non chamaban Grecia ao seu país. 

Chamábano Hélade, en Grego  Ἑλλάς, nome derivado de Ἕλλην (Helen), pai mítico dos heroes que deron nome aos diversos pobos helénicos: Douro (> dorios), Eolo (> eolios), e Xuto, pai á súa vez de Ion (> xonios). 

Debido a isto, non existe tal palabra como "Grecia" ou "grego" no seu idioma.

O nome Grecia procede dun termo romano, "Graecia", que significa "a terra dos gregos" e provén do nome dunha tribo que migrou a Italia no s.VIII, os Graii (> latín graecoi) co que se denominou en Italia aos helenos cos que entraron en contacto, aplicándose o nome despois a todos os pobos helénicos.

O nome de Hélade ou Grecia debe darse ao conxunto de lugares onde houbo cidades helénicas e non só á Grecia peninsular europea, é dicir, a Grecia Insular, as cidade da Asia Menor e as colonias gregas espalladas polo mediterráneo.

Se queres saber de onde proceden outros nomes de lugares como España, Italia, Portugal, etc, consulta este artigo.

A península Heládica é o resto dun antiguo continente que se fragmentou por unha serie de dislocacións e fracturas. A causa de estas, as cordilleiras transformáronse en illas e os vales en golfos. O solo está continuamente sometido a tremores e erupcións volcánicas, as zonas chás están formadas maiormente por franxas situadas entre montañas e entre as montañas e o mar, e os ríos son escasos e cortos.

Predomina o clima mediterráneo con veráns secos e calurosos e cun curto período de choivas. Na época clásica xa tiñan problemas coa deforestación e a maioría do chan era pouco fértil. Os gregos cultivaban en chairas e preferibelmente vides e oliveiras, xa que, en xeral , o chan non era apropiado para o cultivo de cereais.

Non hai zonas mineiras ricas, mais hai que mencionar a mármore da illa de Paros (illas Cícladas) , a prata de Laurión (Ática) e o cobre de Eubea.

O predominio de zonas montañosas fai difícil as comunicacións interiores e propicia a independenza dos distintos núcleos de población que só poden entrar en contacto normalmente polo mar.

Son varios os mares que circundan a case totalidade do país (Mediterráneo, Exeo, Xónico) recortando as súas costas de modo que abundan os bos portos que fan posibel o comercio coas numerosas illas. 

Distinguiremos varios apartados:

• a Grecia continental

• a Grecia insular

• a costas de Asia menor

• as colonias gregas do mediterráneo